web counter
LEXO PA REKLAMA!

SHKARKO APP

App Store
Google Play

E fundit!

x

Bëri drift në qendër të Cërrikut/ Procedohet i riu

9 Shtator 2025, 14:29, Kronika CNA

Bëri drift në qendër të Cërrikut/ Procedohet i riu

Policia ka proceduar një 26-vjeçar dhe ka sekuestruar automjetin e tij, pasi bëri drift me automjet në qendër të Cërrikut.

Efektivët e identifikuan 26-vjeçarin nga një video e publikuar në "TikTok", ku shfaqej duke kryer manovra të rrezikshme.

Ndaj tij nisi procedimi për veprën penale “Prishja e qetësisë publike” si dhe u ndëshkua me një masë administrative prej 40 mijë lekësh.

 

Njoftimi i policisë

Bëri drift me automjet, në qendër të banuar, procedohet penalisht dhe administrativisht, 26-vjeçari.

Sekuestrohet automjeti.

Në lidhje me një video të publikuar në portalin "TikTok", në të cilën shfaqet një automjet duke kryer manovër të rrezikshme (drift), në Cërrik, sqarojmë se shërbimet e Komisariatit të Policisë Cërrik kanë kryer veprimet për identifikimin e drejtuesit të automjetit.   

Drejtuesi i automjetit, shtetasi S. T., 26 vjeç, banues në Cërrik, është shoqëruar në Komisariat, bashkë me automjetin.     

Në vijim të veprimeve, specialistët për Hetimin e Krimeve të Komisariatit të Policisë Cërrik referuan materialet në Prokurori ku nisi procedimi në gjendje të lirë për shtetasin S. T., për veprën penale "Prishja e qetësisë publike". 

Gjithashtu, shtetasi S. T. u ndëshkua me masë administrative 40 000 lekë, bazuar në pikat 3 dhe 8 të nenit 139 të Kodit Rrugor.        

Drejtoria Vendore e Policisë Elbasan fton qytetarët të denoncojnë në numrin 112, çdo rast të shkeljes së rregullave të qarkullimit rrugor apo veprime të tjera të kundërligjshme që cenojnë rendin dhe sigurinë publike, dhe i garanton ata se do të reagojë menjëherë dhe konform ligjit.

 

 

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga