web counter
LEXO PA REKLAMA!

SHKARKO APP

App Store
Google Play

E fundit!

x

I penduari i drejtësisë u ndje keq në qeli/ Zbulohen dyshimet e para, helmimi një nga pistat

8 Shtator 2025, 21:55, Kronika CNA

I penduari i drejtësisë u ndje keq në qeli/ Zbulohen dyshimet e

Gazetarja Klodiana Lala e ftuar në një emision televiziv dha detaje të reja për gjendjen shëndetësore të të penduarit të drejtësisë, Nuredin Dumanit.

Dumani më herët, gjatë ditës së sotme u raportua se u paraqit në spital pasi u ndje keq.

Lala tha se Nuredin Dumanit iu bënë analizat nëse ishte nën efektin e narkotikëve apo alkoolit, por nuk rezultoi pozitiv.

Sipas gazetares Lala dyshimet janë për helmim nga agjentë të jashtëm, por ende nuk ka dalë përgjigja e analizave.

Lala tha se nëse rezulton helmim ky do të jetë rasti i parë i helmimit ndaj një dëshmitari të mbrojtur dhe do të ishte e rëndë.

 

"Është dërguar në spital dhe u pa me kujdes, edhe sepse edhe disa vite më parë ishte operuar në zemër. Ishte pacient që mund të kishte problematika. Nuredin Dumani si i penduar i drejtësisë ka rrëfyer shumë ngjarje dhe dëshmitë e tij konsiderohen tepër të rëndësishën. Mjekët e IML kanë kërkuar që të merren disa analiza, nëse Nuredin Dumani ishte nën efektin e lëndëve narkotike, ishte nën efektin e alkoolit.

Janë marrë analiza edhe nën dyshimet për helmim. Ka dale se Nuredin Dumani nuk ka qenë nën efektin e drogës apo alkoolit, por ende nuk ka ardhur analiza nëse është helmuar. Mjekët kanë menduar se duhet të rikthehet në qeli. Ka një hetim nga drejtësia. Nëse del se është helmim nga agjentë të jashtëm, do ishte e rëndë. Nëse konfirmohet se është helmuar, del si rasti i parë që dëshmitari i mbrojtur cedon, tha gazetarja Lala./CNA





Lajmet e fundit nga