LEXO PA REKLAMA!

SHKARKO APP

Laboratori në Fier/ Lala: Porositës i drogës ish-kryetari i komunës, punon në një institucion shtetëror

24 Nëntor 2022, 22:13, Kronika CNA
Laboratori në Fier/ Lala: Porositës i drogës ish-kryetari i
Gazetarja Klodiana Lala

Gazetarja Klodiana Lala ka zbardhur detaje nga aksioni që zbuloi një laborator kokaine në Fier dhe vuri në pranga 15 persona.

Lala tha në emisionin “Të paekspozuarit” se ish-kryetari i komunës Frakull, Viktor Cervenaku, e kishte porositur kokainën në Kolumbi.

Ajo theksoi se nuk dihet ende sasia përfundimtare e drogës. Sipas saj, Cervenaku punon në një institucion shtetëror.

“Është aksion i policisë shqiptare dhe malazeze me mbikqyrjen e DEA-s. Ka pasur sinjalizim për një sasi droge që do të vinte me pleh kimik. Viktor Cervenaku, ish-kryetari i komunës Frakull, e kishte porositur në Kolumbi. Ka ardhur në Portin e Tivarit në Mal të Zi, pastaj në Fier. Ka qenë dorëzim i kontrolluar, policia ka pasur informacion por nuk ka ndërhyrë deri në pikën fundore. Viktor Cervenaku kishte përshtatur shtëpinë e tij si laborator. Ky është rasti i parë që kapet sasi droge e përzierë me plehun kimikë. Nuk dihet sasia përfundimtare e kapur. Personi i arrestuar punon në një institucion shtetëror”, deklaroi gazetarja./ B.A. – CNA.al

Lajmet e fundit nga