web counter
LEXO PA REKLAMA!

SHKARKO APP

App Store
Google Play

'Kontrolle në pronat e Avdylajve për Martinajn'/ Klodiana Lala: Hetuesit kërkuan njolla gjaku në Shijak

10 Tetor 2022, 22:49, Kronika CNA
'Kontrolle në pronat e Avdylajve për Martinajn'/ Klodiana
Gazetarja Klodiana Lala

Gazetarja Klodiana Lala ka folur për disa kontrolle të policisë në Shijak për zhdukjen e të shumëkërkuarit të drejtësisë, Ervis Martinaj.

Lala tha në emisionin “Open” se një burim ka informuar prokurorinë se Martinaj mund të jetë rrëmbyer dhe vrarë.

Për këtë arsye, ajo tregon se është bërë një kontroll në banesat që janë në pronësi të Avdylajve, në Shijak, ku është parë nëse ka njolla gjaku.

“Një burim ka informuar prokurorinë se Martinaj mund të jetë rrëmbyer dhe vrarë. Gjykata nuk e ka pranuar këtë kërkesë të prokurorisë dhe e ka rrëzuar. Në një dhomë këshillimi sekret është miratuar dhe ka pasur kontroll te banesat në pronësi të Avdylajve në Shijak. Burime flasin se kanë marrë disa materiale, por nuk flas dot me saktësi nëse janë prova, atje është shkuar për të gjetur gjurmë të mundshme biologjike, njolla gjaku përshembull të Ervis Martinajt. Nuk mund të them me saktësi nëse do t’i shërbejnë zbardhjes së ngjarjes. Për një çështje kaq të rëndësishme prokuroria dhe gjykata bëjnë ping-pong. Martinaj ka pasur njohje me pjesëtarë të grupit Avdylaj. Dhe pikërisht janë bërë kontrolle për këtë arsye”, u shpreh ajo, ndërsa theksoi se gjurmët e fundit të të shumëkërkuarit rezultojnë të jenë në Durrës./ B.A. – CNA.al





Lajmet e fundit nga