web counter
LEXO PA REKLAMA!

SHKARKO APP

App Store
Google Play

E fundit!

x

Sekuestrohen 3 armë, 8.6 kg marijuanë dhe 9 pako me drogë/ Arrestohet turku, në kërkim 3 persona, mes tyre 2 shqiptarë

9 Tetor 2022, 13:18, Kronika CNA
Sekuestrohen 3 armë, 8.6 kg marijuanë dhe 9 pako me drogë/
Foto ilustruese

Policia shqiptare në bashkëpunim me policinë turke kanë zvhilluar operacionin e koduar Përtej Kufijve.

Si rrjedhojë e këtij operacioni,  është arrestuar një shtetas turk, tre persona ndodhen nën hetim, si dhe tre persona të tjerë janë në kërkim, mes tyre dy shqiptarë.

Gjatë këtij aksioni policia turke sekuestroi 3 armë zjarri pistoleta, municion luftarak, 8.6 kg marijuanë, 9 pako me drogë sintetike dhe 211 bimë narkotike të kultivuara.

"Operacioni policor i koduar “Përtej kufijve” është finalizuar falë bashkëpunimit të Policisë shqiptare me Policinë turke.

Sekuestrohen në Manisa të Turqisë, 3 armë zjarri pistoleta, municion luftarak, 8.6 kg marijuanë, 9 pako me drogë sintetike dhe 211 bimë narkotike të kultivuara.

Është arrestuar 1 shtetas turk, ndërsa 3 të tjerë janë proceduar penalisht. Gjithashtu janë shpallur në kërkim 2 shtetas shqiptarë dhe 1 shtetas turk, si të implikuar në këtë veprimtari kriminale.

Policia e Shtetit siguroi informacion se në Manisa të Turqisë, disa persona ushtronin veprimtari kriminale në fushën e kultivimit, prodhimit dhe shpërndarjes së lëndëve narkotike.

Informacioni i siguruar nga Policia shqiptare i është përcjellë menjëherë homologëve turq, të cilët organizuan dhe finalizuan operacionin policor të koduar “Përtej kufijve”.

Në kuadër të operacionit, u bë e mundur që në Manisa të Turqisë, të evidentohej vendi ku ishin kultivuar bimët narkotike. Gjatë operacionit, Policia turke sekuestroi 3 armë zjarri pistoleta, municion luftarak, 8.6 kg marijuanë, 9 pako me drogë sintetike dhe 211 bimë narkotike të kultivuara.

Në vijim të veprimeve u arrestua në flagrancë 1 shtetas turk dhe u proceduan penalisht 3 shtetas të tjerë turq.

Po në vijim të operacionit u shpallën në kërkim, për veprën penale “Trafikimi i stimulantëve dhe lëndëve narkotike”, 2 shtetas shqiptarë dhe 1 shtetas turk, pasi janë të implikuar në këtë veprimtari kriminale.

Policia e Shtetit është e vendosur që bashkërisht me partnerët të luftojë me profesionalizëm krimin e  organizuar, duke zhvilluar hetime dhe operacione të përbashkëta, brenda dhe jashtë kufijve", thuhet në njoftim./ CNA.al





Lajmet e fundit nga