web counter
LEXO PA REKLAMA!

SHKARKO APP

App Store
Google Play

E fundit!

x

Policia jep detaje nga shoqërimi i Dokles dhe Muratit/ Me ta udhëtonte edhe një person tjetër

8 Tetor 2022, 22:44, Kronika CNA
Policia jep detaje nga shoqërimi i Dokles dhe Muratit/ Me ta udhëtonte
Foto ilustruese

Policia e Tiranës ka reaguar me një njoftim zyrtar për shoqërimin e Endrit Dokles dhe të Fatjon Muratit.

Blutë bëjnë me dije se Murati ishte shpallur në kërkim në sajë të operacionit policor “Ruger”.

Raportohet se 32-vjeçari është bashkëpunëtor, posedues i armëve me shtetasin K. Gj., i arrestuar në 12 korrik të këtij viti.

Së bashku me Muratin dhe Doklen, në makinë ka qenë edhe shtetasi me iniciale G.R. Ndaj këtyre dy të fundit, po vijojnë veprimet hetimore.

“Në kuadër të kontrolleve 'blic' për kapjen e personave në kërkim, bazuar dhe në infomacionet e marra në rrugë operative për një shtetas në kërkim që qarkullonte me automjet, nga shërbimet e Seksionit për Hetimin e Krimeve të Rënda ndaj Jetës dhe Forcës së Posaçme 'Shqiponja', të Drejtorisë Vendore të Policisë Tiranë, është organizuar puna dhe është kapur shtetasi në kërkim F. M., 32 vjeç, banues në Tiranë, i cili shoqërohej bashkë me dy shtetas të tjerë, E. D., 39 vjeç, dhe G. R., 39 vjeç.

Në vijim të veprimeve u bë ndalimi i shtetasit F. M., i cili ishte shpallur në kërkim pasi në bazë të një procedimi penal të këtij viti, ka rezultuar se është bashkëpunëtor (posedues i armëve) me shtetasin K. Gj., i cili është arrestuar në kuadër të operacionit 'Ruger', të zhvilluar me datë 12.07.2022.

Ndërsa për shtetasit E. D., dhe G. R., të cilët udhëtonin me 32-vjeçarin, po vijojnë veprimet hetimore”, thuhet në njoftimin e policisë./ B.A. – CNA.al





Lajmet e fundit nga