web counter
LEXO PA REKLAMA!

SHKARKO APP

App Store
Google Play

Kërkoi 700 euro për të dhënë leje burgu/ Arrestohet shefi i regjimit në Lushnjë

16 Shtator 2025, 22:54, Kronika CNA

Kërkoi 700 euro për të dhënë leje burgu/ Arrestohet

Arrestohet shefi i regjimit të brendshëm në Lushnjë, Irakli Leka.

Arrestimi u krye mbrëmjen e sotme pasi zbulua se merrte para në këmbim të lejes së përkohëshme për të burgosurit.

Rasti u bë publik në një emision investigativ, teksa punonjësi i Bugut të Lushnjes u filmua duke marrë 700 euro në këmbim të lejes 5 ditore për një të burgosur.

Njoftimi i Drejtorisë së Burgjeve:

Në lidhje me pamjet e transmetuara në emisionin investigativ “Stop”, ku shfaqet një punonjës i Policisë së Burgjeve duke marrë vlera monetare në këmbim të një leje shpërblyese, Drejtoria e Përgjithshme e Burgjeve, në bashkëpunim me Shërbimin e Kontrollit të Brendshëm të Burgjeve, dhe nën drejtimin e Prokurorisë Kundër Korrupsionit dhe Krimit të Organizuar, ka ndërmarrë menjëherë veprimet për identifikimin dhe arrestimin e tij.

Punonjësi i identifikuar është komisar I. L, me detyrë shef i regjimit të brendshëm në IEVP Lushnjë.

Drejtoria e Përgjithshme e Burgjeve dënon me forcë çdo akt të paligjshëm dhe korruptiv që bie ndesh me etikën dhe misionin e sistemit penitenciar.
Distancohemi qartësisht nga veprime të tilla individuale, që nuk përfaqësojnë strukturën dhe angazhimin tonë për një administratë të ndershme, transparente dhe të përgjegjshme./CNA

 





Lajmet e fundit nga