web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet lokal për lojërat e fatit në Tiranë/ Sekuestrohen pajisjet, 2 të arrestuar

15 Shtator 2025, 15:05, Kronika CNA

Zbulohet lokal për lojërat e fatit në Tiranë/ Sekuestrohen

Zbulohet një lokal në rrugën “5 Maji”, që ishte përshtatur për lojëra fati të kundërligjshme. Sekuestrohen 3 pajisje kompjuterike dhe 2 celularë që shërbenin për këtë veprimtari.

Vihen në pranga pronari dhe punonjësi i lokalit.

Në vijim të punës për evidentimin dhe goditjen e veprimtarisë së kundërligjshme në fushën e lojërave të fatit, shërbimet e komisariatit të Policisë Nr. 2 në bashkëpunim me shërbimet e Policisë Rrugore dhe Komisariatin e Policisë Nr. 4, organizuan dhe finalizuan operacionin policor të koduar “Game over 2”.

Gjatë operacionit, në rrugën “5 Maji”, u zbulua një lokal që ishte përshtatur për lojëra fati të kundërligjshme. Në lokal u gjetën 3 pajisje kompjuterike dhe 2 celularë që shërbenin për këtë veprimtari dhe shuma parash të dyshuara të përfituara prej saj.

Në përfundim të veprimeve hetimore për rastin, u arrestuan në flagrancë për veprat penale “Organizimi i lotarive të palejuara” dhe “Vënia në dispozicion e lokaleve për lojëra të palejuara, shtetasit: O. B., 31 vjeç, pronar i lokalit dhe U. D., 51 vjeç, punonjës i lokalit.

Materialet procedurale iu referuan Prokurorisë së Tiranës, për veprime të mëtejshme./CNA

 





Lajmet e fundit nga