web counter
LEXO PA REKLAMA!

SHKARKO APP

App Store
Google Play

Të akuzuar për vjedhje dhe emigrim të kundërligjshëm/ Ekstradohen dy persona

15 Shtator 2025, 09:09, Kronika CNA

Të akuzuar për vjedhje dhe emigrim të kundërligjshëm/

Ekstradohen në Shqipëri dy shtetas shqiptarë 29 dhe 20 vjeç, përkatësisht nga Italia dhe Gjermania.

29-vjeçari A.L., akuzohet për trafik të kundërligjshëm emigrantësh drejt Mbretërisë së Bashkuar, ShBA-së dhe Kanadasë.

20-vjeçari është dënuar në vitin 2021 dhe 2024 nga Gjykata e Tiranës për vjedhje.

 

"Ekstradohet nga Italia, një 29-vjeçar i akuzuar nga GjKKO-ja, për dhënie ndihmë për emigrim të kundërligjshëm drejt Mbretërisë së Bashkuar, ShBA-së dhe Kanadasë.

Ekstradohet nga Gjermania, një 20-vjeçar i dënuar 2 herë, për vjedhje në kryeqytet.

Si rezultat i bashkëpunimit të ngushtë të specialistëve të Interpol Tiranës dhe homologëve të Interpol Romës dhe të Interpol Wiesbaden, u finalizuan procedurat e ekstradimit nga Italia dhe nga Gjermania, në Shqipëri, të shtetasve:

-A. L., 29 vjeç, lindur në Dibër, pasi në vitin 2024, Gjykata e Shkallës së Parë Kundër Korrupsionit dhe Krimit të Organizuar i ka caktuar masën e sigurisë “Arrest në burg”, për veprën penale “Ndihma për kalim të paligjshëm të kufijve”, kryer në bashkëpunim.

Gjatë periudhës 2022-2024, shtetasi A. L., në bashkëpunim me shtetas të tjerë, iu ka dhënë ndihmë shtetasve të ndryshëm, për kalim të kundërligjshëm të kufijve, drejt Mbretërisë së Bashkuar, ShBA-së dhe Kanadasë.

 

-F. B., 20 vjeç, lindur në Tiranë, pasi Gjykata e Tiranës e ka dënuar dy herë, përkatësisht me 8 muaj në vitin 2021 dhe 6 muaj burgim në vitin 2024, për veprën penale “Vjedhja”./CNA

 





Lajmet e fundit nga