web counter
LEXO PA REKLAMA!

SHKARKO APP

App Store
Google Play

E fundit!

x

Tentoi të fuste armë dhe 20 mijë euro në Portin e Durrësit/ Prangoset 55-vjeçari, sekuestrohet kamioni

15 Shtator 2025, 12:16, Kronika CNA

Tentoi të fuste armë dhe 20 mijë euro në Portin e

Policia ka arrestuar shtetasin K.A., 55 vjeç, pasi ka tentuar që përmes një kamioni të kalojë në Portin e Durrësit një armë gjahu, fishekë dhe 20.000 euro.

Policia i ka sekuestruar paratë dhe armën si provë materiale.

“Tentoi të fuste në territorin e RSh-së, 1000 fishekë arme gjahu dhe rreth 20 000 euro, pa i deklaruar, kapet në flagrancë nga shërbimet e Policisë Kufitare dhe vihet në pranga 55-vjeçari. 

Sekuestrohen fishekët, shuma e eurove dhe kamioni ku ato ishin fshehur.  

Shërbimet e Policisë Kufitare në Portin e Durrësit, si rezultat i kontrolleve të shtuara në hyrje/dalje, me qëllim evidentimin dhe goditjen e paligjshmërive, bazuar dhe në informacionet e siguruara në rrugë operative, evidentuan dhe goditën një rast të tentativës për trafikim të municionit luftarak dhe një rast të mosdeklarimit të të hollave në kufi.     

Si rezultat u arrestua në flagrancë shtetasi K. A., 55 vjeç, banues në Tiranë, për veprat penale “Trafikimi i armëve dhe i municionit” dhe “Mosdeklarimi në kufi i të hollave dhe i sendeve me vlerë”.  

Gjatë kontrollit në kamionin e këtij shtetasi, shërbimet e Policisë Kufitare gjetën të fshehura në kabinë, 1000 fishekë gjahu, armë gjahu dhe rreth 20 000 euro, të cilat u sekuestruan në cilësinë e provës materiale, bashkë me kamionin, pasaportën dhe celularin e 55-vjeçarit. 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme”, njoftoi policia./ CNA





Lajmet e fundit nga