web counter
LEXO PA REKLAMA!

SHKARKO APP

App Store
Google Play

E fundit!

x

Nuk deklaruan 32 mijë euro/ Procedohen dy persona

16 Shtator 2025, 11:36, Kronika CNA

Nuk deklaruan 32 mijë euro/ Procedohen dy persona

Dy shtetas janë vënë nën hetim pasi tentuan të kalonin shuma parash të padeklaruara përmes PKK-së Kakavijë drejt shtetit grek.

V. B., i janë gjetur në çantë, 11 985 euro dhe 30 000 lekë ndërsa F. I. i janë gjetur në çantë 20 000 euro.

Në total janë sekuestruar rreth 32 000 euro dhe 30 000 lekë.

Njoftimi i Policisë: 

PKK Kakavijë/Kontrolle të detajuara nga shërbimet e Policisë Kufitare, goditen 2 raste të mosdeklarimit të të hollave.     

Sekuestrohen rreth 32 000 euro dhe 30 000 lekë, procedohen penalisht 2 shtetasit që i posedonin dhe nuk i deklaruan në kufi.    

Si rezultat i angazhimit maksimal të shërbimeve të Policisë Kufitare të PKK Kakavije, për parandalimin dhe goditjen e krimeve kufitare, krahas punës për ofrimin e një shërbimi cilësor dhe etik, qytetarëve në hyrje/dalje, janë goditur 2 raste të mosdeklarimit të të hollave, konkretisht:       

 

-Në hyrje, u kalua për kontroll në vijë të dytë, shtetasi V. B., të cilit i janë gjetur në çantë, 11 985 euro dhe 30 000 lekë, që ai nuk i kishte deklaruar; 

-Në dalje, u kalua për kontroll në vijë të dytë, shtetasi F. I., të cilit i janë gjetur në çantë, 20 000 euro, që ai nuk i kishte deklaruar. 

 

Në vijim të veprimeve procedurale për rastin, specialistët për Hetimin e Krimeve të DVKM Gjirokastër referuan materialet në Prokurori, ku nisi procedimi në gjendje të lirë për veprën penale “Mosdeklarimi në kufi i të hollave dhe i sendeve me vlerë”, për shtetasit V. B., 66 vjeç, banues në Kuçovë dhe F. I., 69 vjeç, rezident në Greqi.  

 

Gjithashtu, u sekuestruan në cilësinë e provës materiale, shumat e parave./CNA   

 

 

 

 

 

 





Lajmet e fundit nga