LEXO PA REKLAMA!

SHKARKO APP

Kërcënohen me armë punonjësit e Task Forcës në Pogradec

25 Prill 2024, 15:02, Kronika CNA
Kërcënohen me armë punonjësit e Task Forcës në
Foto ilustruese

Punonjësit e Task Forcës, të cilët kishin shkuar në fshatin Buzaishtë të Njësisë Administrative Velçan, për të verifikuar personat me ndihmë ekonomike, janë konfliktuar dhe kërcënuar nga një person i armatosur.

Sipas informacioneve paraprake, personi me iniciale S.Ç, i cili rezulton dhe i shpallur në kërkim, u ka dalë para punonjësve të Task Forcës në momentin që ata i janë afruar banesës për të kryer detyrën, ndërkohë që njëri prej punonjësve ka konstatuar se Çela mbante një armë tip pistoletë.

Çela debatoi me shoferin e Task Forcës, më pas persona të tjerë kanë ndërhyrë për t'i qetësuar dhe punonjësit janë strehuar në një prej familjeve të fshatit.

Mësohet se agresori është larguar dhe po kërkohet nga forcat e policisë që kanë mbërritur në fshat dhe po krehin zonën. 

Agresori është shpallur në kërkim 2 vite më parë pasi ka plagosur në një lokal në Pogradec një shokun e tij. Pas ngjarjes ai mundi t'i shpëtonte policisë dhe prej dy vitesh rezultonte në kërkim./CNA 

Lajmet e fundit nga