web counter
LEXO PA REKLAMA!

SHKARKO APP

App Store
Google Play

E fundit!

x

Incidenti i fisit Ndoka me Monika Kryemadhin/ Si u përfshi ish-deputeti me grupin e Ervis Martinajt

19 Maj 2024, 11:02, Kronika CNA

Incidenti i fisit Ndoka me Monika Kryemadhin/ Si u përfshi ish-deputeti me

Gazetari Artan Hoxha ka folur rreth megaoperacionit të SPAK-ut, ku ka shpjeguar lidhjet e fisit Ndoka, të ish-deputetit socialist, Arben Ndoka, me grupin e të shumëkërkuarit të drejtësisë, Ervis Martinaj.

I ftuar në emisionin "Kjo Javë", Artan Hoxha ka zbuluar se në zgjedhjet e 2013 ka pasur një incident mes fisit Ndoka dhe deputetes Monika Kryemadhi.

Sipas gazetarit, incidenti ka qenë i fortë dhe i dhunshëm. Pasi vranë vëllain, ish-deputeti Arben Ndoka dhe fisi i tij u bashkuan me grupin e Ervis Martinajt për të zbuluar se kush ishte personi që ekzekutoi vëllain e ish-deputetit.

“Arben Ndoka nuk ka qenë thjesht një deputet, ai përfaqësonte një fis apo klan që ishte shumë i fuqishëm në Lezhë. Më parë ai ka qenë emigrant në moshë te re, i dënuar në Itali për trafik prostitucioni. Ka ardhur në Shqipëri është bërë pjesëtar i Gardës, pastaj ka shkuar në drejtorinë e INUK, nga aty është bërë drejtor në Bashkinë e Tiranës në kohën e opozitës dhe më pas ka kandiduar për PS-në.

Në vitin 2013 ka ndodhur një incident në zonën e Lezhës, ku u vra një shtetas në Laç në ditën e zgjedhjeve. Para se të ndodhte kjo, deputetja Monika Kryemadhi ka pasur një incident në Lezhë me pjesëtarë të fisit Ndoka. Aty ka qenë edhe vëllai i Arben Ndokës, Aleksandër Ndoka. Incidenti ka qenë i fortë dhe i dhunshëm.

Më mbrapa Ndoka merr mandatin, PS përmbys situatën në Lezhë. Del ligji për dekriminalizimin dhe Ndoka humb mandatin sepse erdhi dënimi nga Italia. Çfarë ndodh? Vëllai i tij ishte përfaqësues i pushtetit vendor dhe vritet në një atentat. Nga ky moment fisi Ndoka ka nisur hulumtimin për të gjetur kush vrau vëllanë dhe mendonin se vrasja u bë për arsye politike dhe mendonin se kjo u porosit nga Tirana nga politikanë të rëndësishëm, të lidhur me incidentin e vitit 2013.

Nga atentati ka nisur një zinxhir ngjarjesh, Ndokat kanë kërkuar vrasësit. Bardhok Pllana ka negociuar me fisin Ndoka dhe ka marrë përsipër që në këtë ngjarje nuk ka pjesëtarë të fisit Rraja nga Nikla. Më pas pjesëtarët e familjes Bami për të larguar dyshimet futën një negociator tjetër. Personi tjetër që nuk ka negociuar në këtë histori, është Mariglen Haka. Ndokat bëhen bashkë me Ervis Martinajn dhe grupin e Shkodrës me Bajrat dhe përdorin lidhjet në Shijak.

Përballë tyre janë grupet e Niklës, grupi i Burrelit, një grup në Kurbin, përfshirë edhe Roan Brahimin. Të gjitha grupet e Fushë-Krujës janë përballur me grupet e Martinajt dhe kjo ka krijuar një zinxhir ngjarjesh që ka sjellë këtë megahetim të SPAK-ut”, ka thënë Artan Hoxha./ CNA





Lajmet e fundit nga