web counter
LEXO PA REKLAMA!

SHKARKO APP

App Store
Google Play

Roli i ish-deputetit të PS-së në planet mafioze/ Aleanca me 3 grupet kriminale

18 Maj 2024, 16:33, Kronika CNA

Një megaoperacion i SPAK-ut ka zbuluar rrjetin kriminal në Shqipëri, duke goditur 7 grupe dhe lëshuar 50 urdhër-arreste.

Njëri prej personave që kërkon të arrestojë SPAK-u është ish-deputeti i Partisë Socialiste, Arben Ndoka.

Ky i fundit, sipas Prokurorisë së Posaçme, kishte krijuar një grup kriminal dhe vepronte në qytetin e Lezhës. Ndoka kishte bashkëpunuar me 3 grupe të tjera kriminale, atë të Ervis Martinajt, bossit të lojërave të fatit, atë të Emiljano Shullazit dhe me bandën e Avdylajve.

Ish-deputeti dhe Ervis Martinajt kishin planifikuar të vrisnin të “fortin” e Niklës, Durim Bamin. Në ndihmë të tyre ka ardhur Emiljano Shullazi dhe Astrit Avdylaj.

Për të kryer këtë krim, Martinaj dhe Ndoka kishin rekrutuar vrasës me pagesë, si dhe Viktor Imerin.

“Në qendër të këtyre grupeve kriminale është grupi kriminal i krijuar dhe drejtuar nga shtetasi E.M., i cili është në aleancë me grupin kriminal që vepronte në qytetin e Lezhës të drejtuar nga shtetasi A. N. Këta dy grupe kriminale, për arritjen e qëllimit kriminal kanë kontaktuar anëtarë të një grupi tjetër kriminal i cili vepronte në qytetin e Durrësit. Gjithashtu, të dy këto grupe kriminale kanë rekrutuar vrasës me pagesë të cilët veprojnë kryesisht në zonën e Fushë – Krujës dhe në zonën e Burrelit. Po kështu për të realizuar qëllimet kriminale E.M., kontakton shtetasin V.I., i cili sapo kishte përfunduar vuajtjen e dënimit me burgim i kërkon vrasjen e shtetasit F.H. Në ndihmë të grupeve kriminale të drejtuara E.M. dhe A.N., vijnë edhe shtetasit E.Sh. dhe A.A., të cilët edhe pse në kushtet e paraburgimit ndihmojnë E.M. dhe A.N., në realizimin e qëllimit kriminal që është vrasja e D.B. etj.

E.SH. kontakton me të hetuarin T. B., të cilit i kërkon vrasjen e D.B. Po kështu E.SH., siguron informacione për lëvizjet e D. B. Dhe këto informacione i’a vë në dispozicion shtetasit A.N.

Nga ana tjetër në zonën e Fushë Krujës spikat grupi kriminal i drejtuar nga shtetasi D. B., i cili shfaqet në konflikt të hapur me grupet kriminale të drejtuara nga shtetasit E.M. dhe A.N. Grupi kriminal i drejtuar nga D.B., bën aleancë me një grup kundërshtar të shtetasit E.M., dhe që drejtohet nga shtetasit L.D. dhe F.H., persona me precedentë të theksuar kriminal me qëllim vrasjen e E.M. dhe A.N. dhe anëtarëve të tjerë të këtyre grupeve kriminale”, thuhet ndër të tjera në njoftimin e SPAK-ut./ CNA





Lajmet e fundit nga