web counter
LEXO PA REKLAMA!

SHKARKO APP

App Store
Google Play

Plagosje me armë në Durrës/ Arrestohet 51-vjeçari, në kërkim djali i tij

15 Maj 2024, 12:49, Kronika CNA
Plagosje me armë në Durrës/ Arrestohet 51-vjeçari, në
Foto ilustruese

Një plagosje është regjistruar rreth orës 03:20 të mëngjesit të sotëm në lagjen nr. 13 të Durrësit.

Pas një konflikti të çastit, në një lokal, u plagos me armë zjarri një 25-vjeçar, rast për të cilin policia arrestoi menjëherë një 51-vjeçar dhe po punon për kapjen e djalit të tij.

3 vëllezërit R. C., K. C. dhe M. C. dyshohet se kanë pasur një konflikt të çastit në një lokal me 51-vjeçarin A. K., dhe 25-vjeçarin E. K., babë e bir. Konflikti ka degjeneruar në përdorimin e armës dhe ka mbetur i plagosur në këmbë shtetasi R. C., i cili është jashtë rrezikut për jetën.

Raportohet se policia ka vënë në pranga njërin nga autorët, shtetasin A. K., si dhe po punon për kapjen e djalit të tij.

“Pas një konflikti të çastit, në një lokal, u plagos me armë zjarri një 25-vjeçar, rast për të cilin Policia arrestoi menjëherë një 51-vjeçar dhe po punon për kapjen e djalit të tij.

Rreth orës 03:20, dyshohet se pas një konflikti të çastit, në një lokal në lagjen nr. 13, ndërmjet shtetasve R. C., 25 vjeç, K. C., 40 vjeç dhe M. C., 28 vjeç, vëllezër, të tre banues në fshatin Fllakë, dhe shtetasve A. K., 51 vjeç dhe E. K., 25 vjeç, babë e bir, është plagosur me armë zjarri, në këmbë, shtetasi R. C., i cili është jashtë rrezikut për jetën.

Si rezultat i veprimeve të shpejta procedurale, është kapur dhe vënë në pranga njëri nga autorët e dyshuar të plagosjes, shtetasi A. K., si dhe po punohet për kapjen e djalit të tij, shtetasit E. K.

Në drejtimin e Prokurorisë së Durrësit, vijojnë hetimet për të përcaktuar përgjegjësinë penale të shtetasve të përfshirë në konflikt, si dhe për të provuar ligjërisht rrethanat e tjera të këtij rasti”, thuhet në njoftimin e policisë./ CNA





Lajmet e fundit nga