web counter
LEXO PA REKLAMA!

SHKARKO APP

App Store
Google Play

E fundit!

x

“Çmendet” 40-vjeçari/ Merr peng fëmijët e mitur, përplasje me armë me policinë dhe RENEA-n

15 Maj 2024, 08:18, Kronika CNA

Disa të shtëna me armë zjarri janë regjistruar në orët e para të mëngjesit të kësaj të mërkure, pranë zonës së quajtur “Shkëmbi i Kavajës”.

Një person ka qëlluar me armë rreth orës 02:20 në ambientet e një pallati, në një apartament të lëshuar me qira.

Nga veprimet e para të policisë rezultoi se banesa nga ku qëllohej me armë zjarri, ishte marrë me qira javore, nga shtetasi A. M., 40 vjeç, banues në Lezhë. Dyshohej se brenda banesës ky shtetas mbante peng 2 fëmijët e tij të mitur, 6 dhe 11 vjeç.

Në vendngjarje shkoi edhe Reparti Special “RENEA”, i cili i bëri thirrje 40-vjeçarit që të dorëzohej, por ai vijoi të qëllonte nga dritarja e apartamentit.

Pas disa orësh negociata, nën masa të larta sigurie, u bë i mundur neutralizimi dhe kapja e shtetasit A. M., të cilit në banesë iu gjet një armë zjarri kallashnikov, një krehër me fishekë, si dhe 18 gëzhoja.

Gjithashtu, policia nxori të 2 fëmijët, të cilët janë në gjendje të mirë shëndetësore dhe po u jepet ndihmë me psikologë.

40-vjeçari është shoqëruar në polici për veprime të mëtejshme procedurale.

Deri më tani nuk bëhen të ditura motivet që shtynë 40-vjeçarin në këtë ngjarje, ndërsa pritet që blutë të japin një informacion të mëtejshëm./ CNA





Lajmet e fundit nga