web counter
LEXO PA REKLAMA!

SHKARKO APP

App Store
Google Play

Shqipëria, “vatër” prostitucioni/ Skema që ndjekin eskortat nga Amerika Latine dhe Lindja

12 Maj 2024, 18:51, Kronika CNA

Shqipëria, “vatër” prostitucioni/ Skema që ndjekin

CNA ka raportuar se si vajza të moshave të ndryshme, me nacionalitete të ndryshme vijnë në Shqipëri si turiste dhe qëndrojnë në vendin tonë rreth një muaj për të ushtruar prostitucion.

Në Shqipëri janë zbuluar disa raste të tilla dhe janë proceduar disa vajza. Kjo çështje është rikthyer sërish në vëmendje, pasi të premten u gjetën në Tiranë të pajeta dy 2 shtetase ukrainase, të moshave 25 dhe 40 vjeç.

Ata dyshohet se humbën jetën nga mbidoza me Xanax dhe Tramadol. Më pas u zbulua se ukrainaset ofronin shërbime seksuale.

Një tjetër rast u denoncua në fillim të muajit maj, ku një italian denoncoi për keqkuptime 2 shtetas nga Venezuela, të cilët ofronin shërbime homoseksuale.

Edhe në fillim të muajit mars u denoncua një rast dhune nga një vajzë nga Venezuela. Më pas u zbulua se ajo jetonte me 4 shoqe të tjera që ofronin shërbime seksuale.

Sipas raporteve, këto vajza vijnë në Shqipëri nga shtetet si Ukraina, Polonia dhe Bjellorusia, vendet e Amerikës Latine, Venezuela, Kolumbia, Brazili, Spanja apo Çekia.

Ata vijnë në grupe nga 3 deri në 4 shoqe dhe pas qëndrojnë rreth një muaj në Shqipëri, shkojnë edhe në shtete të tjera për të ofruar të njejtat shërbime.

Ata qëndrojnë kryesisht në apartamente apo Air BNB, që të shamngin dhënien e identitetit të tyre. Kryesisht ata përqendrohen në Tiranë, por shpërndahen edhe në Durrës, Shkodër, Vlorë dhe në vijën bregdetare të jugut.

Shërbimet e tyre nisin nga 100 euro dhe variojnë në shumë marramendëse, duke e përzgjedhur klientelën në biznesmenë dhe persona që merren me veprimtari të paligjshme për shkak të të ardhurave të larta./ CNA





Lajmet e fundit nga