web counter
LEXO PA REKLAMA!

SHKARKO APP

App Store
Google Play

E fundit!

x

Ngjarja tragjike në Shkodër/ Gazetarja zbulon detaje: Pista më e fortë, vetëvrasja

14 Maj 2024, 21:31, Kronika CNA
Ngjarja tragjike në Shkodër/ Gazetarja zbulon detaje: Pista më e
Foto ilustruese

Gazetarja Glidona Daci ka zbuluar detaje të tjera në lidhje me hetimet për rastin tragjik të Alma Arrazit nënës e cila mbyti tre fëmijët e saj dhe më pas veten.

Gazetarja ka zbuluar se pista më e fortë që po hetohet është ajo e vetëvrasjes.

Ndër të tjera, gazetarja tha se vijon ekspertiza e telefonit. Sipas detajeve që ka mësuar thuhet se Erdgysi i bënte bllok telefonatave të Alma Arrazit po ashtu dhe në rrjetet sociale.

Prokurorët kanë dyshime se bisedat mund të jenë fshirë.

“Ekspertiza e celularit nuk ka përfunduar. Erdgysi i bënte bllok Alma Arrazit në telefon dhe në rrjetet sociale. Në pamundësi për të telefonuar bashkëshortin, merrte telefonin e kunatës, me të cilën konsumoi kafen e fundit. Prokurorët kanë dyshime se bisedat mund të jenë fshirë. Kur të përfundojë ekspertiza do të dalë e vërteta dhe aty mund të konstatohet dhuna psikologjike.

Mesazhet që prokurorët kanë parë deri më tani nuk vërtetojnë dhunën psikologjike. Pjesa më e madhe e bisedave rezultojnë të jenë bosh. Pista më e fortë është ajo e vetëvrasjes. Nga të gjitha verifikimet që janë kryer nuk rezulton që bashkëshorti të ketë qenë afër.

Nga të gjitha provat që janë mbledhur deri më tani dhe nga të gjitha dëshmitë nga prokurorët e Shkodrës nuk rezulton pista e vetëvrasjes. Sa i përket këqyrjes së telefonit të kunatës rezulton se ka pasur marrëdhënie të mira me të”, tha gazetarja./ CNA





Lajmet e fundit nga