web counter
LEXO PA REKLAMA!

SHKARKO APP

App Store
Google Play

E fundit!

x

Prapaskenat e krimit/ Pse ish-deputeti donte të vriste Durim Bamin

18 Maj 2024, 17:35, Kronika CNA
Prapaskenat e krimit/ Pse ish-deputeti donte të vriste Durim Bamin
Ish-deputeti i PS-së, Arben Ndoka

Ish-deputeti i PS-së, Arben Ndoka është vënë në kërkim nga SPAK-u, në operacionin më të madh të zhvilluar ndonjëherë ndaj krimit të organizuar.

Në njoftimin e SPAK-ut thuhet se Ndoka kishte bashkëpunuar me 3 grupet kriminale të Ervis Martinajt, Emiljano Shullazit dhe me bandën e Avdylajve për të vrarë Durim Bamin, i njohur si i “forti” i Niklës.

Gazetarja Klodiana Lala ka treguar pasditen e sotme arsyen se përse ish-deputeti kishte planifikuar eliminimin e Durim Bamit.

Sipas Lalës, Arben Ndoka dyshonte se Durim Bami ishte i përfshirë në vrasjen e vëllait të tij, Aleksandër Ndoka, në dhjetor të 2017-ës.

“I vetmi njeri politik i shpallur në kërkim është Arben Ndoka, ish-deputet i PS. Ai kishte nisur fushatë për ekzekutimin e të dyshuarve për vrasjen e vëllait të tij. Në këtë kuadër, dyshohet se ai është ndihmuar edhe nga efektivë të lartë policie”, deklaroi gazetarja në një lidhje televizive.

Ndoka dyshohet se fshihet në Dubai. Në shtator të vitit 2015, Ndoka dorëzoi mandatin e deputetit, sepse u prek nga ligji i dekriminalizimit, pasi kishte një dënim në Itali.

Ndërkohë, në vitin 2019, Prokuroria e Krimeve të Rënda ka sekuestruar pasurinë e ish-deputetit, i cili u arrestua në në tetor të vitit 2018 në kuadër të operacionit “Volvo 4”, si i përfshirë në një skemë tjetërsimi pronash në zonën e Kunes dhe Rana e Hedhun në Shëngjin./ CNA





Lajmet e fundit nga