web counter
LEXO PA REKLAMA!

SHKARKO APP

App Store
Google Play

E fundit!

x

Nga aktiviteti i drogës te lojërat e fatit/ 2 zyrtarët e lartë të policisë dhe 2 efektivët, të përfshirë në krim

18 Maj 2024, 16:54, Kronika CNA

7 grupe kriminale u goditën nga SPAK-u, i cili lëshoi 50 urdhër-arreste. Megaoperacioni i SPAK-ut ka nxjerrë në pah përfshirjen e zyrtarëve të lartë të policisë, por edhe efektivë në krim.

Dy zyrtarë të policisë drejtonin aktivitet kriminal në kultivimin e narkotikëve. Ata janë drejtori i Drejtorisë Vendore të Policisë Lezhë Henerigert Mitri dhe shefi i Seksionit të Trafiqeve të Paligjshme dhe Narkotikëve në po këtë drejtori, Klodian Shahini.

Henerigert Mitri rezulton të jetë edhe bashkëpunëtor i biznesmenit Pëllumb Gjoka, i arrestuar gjatë operacionit “Metamorfoza”. Drejtori i policisë së Lezhës dhe Gjoka organizon aktivitetin e lojërave të fatit në Lezhë.

Nga ana tjetër, të përfshirë në kultivim të narkotikëve janë edhe 2 efektivët e Repartit Special RENEA, Altin Morina dhe A.P., të cilët ishin të lidhur me Durim Banin.

“Është krijuar dyshimi i arsyeshëm se shtetasi H.M., me detyrë drejtor i Drejtorisë Vendore të Policisë Lezhë, në bashkëpunim me shtetasin K.Sh. dhe persona të tjerë, drejtonin aktivitetin kriminal të kultivimit të narkotikëve, në qarkun e Lezhës.

Po ashtu i hetuari H.M., në bashkëpunim me shtetasin P.Gj., aktualisht i arrestuar për një procedim tjetër penal, organizonin aktivitetin e paligjshëm të lojërave të fatit në qytetin e Lezhës.

Në dinamikën e hetimit të këtij procedimi penal, janë grumbulluar prova që krijojnë dyshimin e arsyeshëm se shtetasi D.B., në bashkëpunim me shtetasin A.M. (me detyrë efektiv i forcave “Renea” në kohën e kryerjes së krimit) kanë organizuar kultivimin e bimëve narkotike në zonën e Niklës dhe Tapizës”, thuhet në njoftimin e SPAK-ut./ CNA





Lajmet e fundit nga