web counter
LEXO PA REKLAMA!

SHKARKO APP

App Store
Google Play

E fundit!

x

"I plagosuri, punonjës i AMP"/ Qyno: Rasti i disatë ku punonjës të Policisë u shërbejnë eksponentëve të krimit

11 Nëntor 2025, 17:23, Kronika CNA

"I plagosuri, punonjës i AMP"/ Qyno: Rasti i disatë ku

Gazetari Elton Qyno i ftuar në Syri TV ka zbuluar detaje përsa i përket identitetit të të plagosurit Muçi Shaljani në atentatin në Rinas.

Qyno tha se Shajiani ishte shoferi i viktimës Gilmando Dani dhe njëkohësisht punonjës i Agjencisë së Mbikqyrjes Policore.

Gazetari tha se jemi sërish para një rasti ku një eksponent i Policisë është përfshirë në veprimtari kriminale ose në përkrahje të autorit të krimit pas rastit të Jeton Lamit, i cili ishte edhe efektiv policie dhe shoferi i Ervis Martinajt.

 

"Shoferi i Gilmando Danit që sot ka mbetur i plagosur, Muçi Shaljani, është punonjës i Agjencisë së Mbikëqyrjes Policore që e cila ndodhet në varësi direkte të Ministrisë së Punëve të Brendshme. Pra, që kemi të bëjmë me një personazh që mbante edhe funksionin publik, pranë Ministrisë së Brendshme, nga ana tjetër ishte dhe shofer i një eksponenti të lartë të krimit të organizuar në Shqipëri siç ishte Gilmando Dani. E theksoj këtë sepse në shumë raste kemi pasur eksponentë të policisë së shtetit të përfshirë në veprimtari kriminale ose si përkrahës të elementëve të grupeve kriminale.

Rasti që bëri shumë bujë ishte rasti i Jeton Lamit, që punonte edhe si punonjës policie pranë skuadrës operacionale të Policisë së Shtetit por edhe si shoferi i Ervis Martinit dhe vijmë në një moment të dytë sot kur një tjetër punonjës policie ëh shërben si shofer i një eksponenti të lartë të krimit të organizuar në Shqipëri. E them eksponent i lartë sepse shikoj që jo vetëm nga numri i atentateve që ka marrë Gilmando Dani dhe që i ka shpëtuar, por edhe për sa i përket intensitetit të tij në kryerjen e veprimeve kriminale në kuadër të grupeve kriminale, siç ishte grupi i Emiliano Shullazit ku ai aderonte", tha Qyno./CNA

 

 

 

 

 





Lajmet e fundit nga