web counter
LEXO PA REKLAMA!

SHKARKO APP

App Store
Google Play

E fundit!

x

"Atentati u krye nga një grup i strukturuar dhe i sofistikuar"/ Si u sigurua informacioni për lëvizjet e viktimës

11 Nëntor 2025, 16:07, Kronika CNA

"Atentati u krye nga një grup i strukturuar dhe i sofistikuar"/

Gazetari Elton Qyno i ftuar në "Syri TV" ka dhënë detaje mbi atentatin mafioz në Rinas ku mbeti i vrarë krahu i djathtë i Emiljano Shullazit, Gilmando Dani dhe u plagos M.Sh.

Qyno tha se krimi është kryer nga një grup i organizuar dhe mjaft i sofistikuar që kishte informacion për largimin dhe kthimin e viktimës nga Spanja.

Gazetari deklaroi se grupi i cili kreu krimin ka pasur informacion të dorës së parë dhe lista e udhëtarëve mund të kenë dalë nga agjencitë e udhëtimit.

 

"Ai vetë sapo kishte dalë nga burgu, pra kishte pak kohë, gati një vit e gjysmë apo dy vjet sapo kishte dalë nga burgu, sepse kishte përfunduar një dënim prej 12 viteve burg për heqje të paligjshme të lirisë në kuadër të grupit të strukturuar kriminal ndaj Y.B., por edhe për gjobëvënie ndaj këtij biznesmeni, dhe që vijmë në një moment kur Gilmando Dani ishte larguar gjatë këtyre dy viteve nga Shqipëria.

Kanë pasur një informacion, të dorës së parë që në momentin që ai sapo ka zbritur, ata kanë pasur listën e të gjithë udhëtarëve të avionit dhe kjo listë del zakonisht ose nga agjencitë turistike që presin edhe biletat njëkohësisht të udhëtarëve, ose direkt nga policia kufitare, e cila mbikëqyr të gjithë listën e pasagjerëve, jo vetëm të avionëve, por edhe të pasagjerëve detarë dhe deri diku te pasagjerët e transportit urban. Sidomos lista e pasagjerëve të transportit ajror është domosdoshmërisht që duhet të mbikëqyret. Por që ajo që më përbën në këtë ditë të rënduar, them, jo vetëm për shkak të ngjarjes, por edhe për shkak të një situate tjetër, sepse është një fakt tjetër që ka ardhur tashmë si informacion", tha Qyno.

Qyno u shpreh se atentati i sotëm është një goditje mjaft e rëndë për grupin e Emiljano Shullazit.

"Faktikisht sot është një goditje mjaft e rëndë për sa i përket grupit të Emiljano Shullazit. Ishte njeriu kryesor që organizonte dhe monitoronte punët e Shullazit jashtë qelisë, ishte njeriu kryesor që si të thuash kishte një ndikim, kishte një potencë dhe që mbante ende gjallë grupin në terren të Emiljanos Shullazit dhe që sot, vijmë në një moment kur ky person ekzekutohet me disa plumba dhe ekzekutohet pikërisht sapo vë këmbën në Shqipëri. Duket që autorët, por edhe grupi që ka organizuar vrasjen e tij, është një grup mjaft i sofistikuar dhe i strukturuar sepse fakti që ka pasur informacionin kur ka ikur dhe fakti që ka pasur informacionin kur ka ardhur", u shpreh gazetari./CNA

 

 





Lajmet e fundit nga