web counter
LEXO PA REKLAMA!

SHKARKO APP

App Store
Google Play

E fundit!

x

Sekuestrohen 20 kg drogë dhe mbi 44 mijë euro në Bolonja/ Në pranga tre shqiptarë

10 Nëntor 2025, 18:00, Kronika CNA

 

Sekuestrohen 20 kg drogë dhe mbi 44 mijë euro në Bolonja/ Në
Droga dhe paratë e sekuestruara

 

Tre shqiptarë janë arrestuar në Itali pasi akuzohen për posedim të lëndëve narkotike me qëllim shitjen e tyre. Sipas policisë italianë, tre shqiptarët u kapën në flagrancë gjatë një operacioni që sekuestroi një total prej 20 kilogramësh lëndë narkotike, si dhe 44,500 euro në para të gatshme.

Gjatë operacionit, oficerët policorë të Bolonjës vunë re një 20-vjeçar shqiptar duke dalë nga një apartament në Funo di Argelato dhe duke u drejtuar te një automjet tip Renault Clio, brenda të cilit ndodhej shqiptari tjetër, 34 vjeç. Të dy u kapën duke shkëmbyer disa tufa me para, ndërsa më pas, 20-vjeçari mori një çantë të madhe të bardhë dhe e vendosi tek një tjetër automjet i parkuar të parkuar aty pranë.

Policia ndërhyri menjëherë dhe ushtroi kontroll fizik ndaj dy shqiptarëve dhe në automjetet e tyre. Brenda çantës së bardhë, oficerët gjetën afërsisht 200 pako kanabisi, me një peshë totale prej 20 kilogramësh. Ndërkohë, pesë pako me para të gatshme, me një vlerë totale prej 42,500 eurosh, u sekuestruan në Renault Clio të 34-vjeçarit shqiptar, ndërsa1,000 euro të tjera u gjetën brenda çantës së tij të shpinës.

Kontrollet vijuan edhe brenda apartamentit në Funo di Argelato, ku policia identifikoi një shtetas të tretë shqiptar, 44 vjeç. Brenda shtëpisë, u gjet 1 kilogram marijuanë, 179.66 gramë hashash, materiale paketimi për drogë dhe 1,000 euro të tjera në para të gatshme, të mbajtura në çantën e shpinës së njërit prej tre të arrestuarve.

Të tre shqiptarët u vunë në pranga me akuzën e posedimit të narkotikëve me qëllim shpërndarjen e tyre. Dy prej të arrestuarve u lanë në burg, ndërsa për njërin, 20-vjeçarin, u caktua arrest në shtëpi.

Operacioni është pjesë e një përpjekjeje për të luftuar trafikun e drogës në provincën e Bolonjës. Sekuestrimi i 20 kilogramëve hashash dhe mbi 44,500 eurove përfaqëson një goditje të rëndë ndaj trafikut të drogës në zonë. Hetimet vijojnë për të zbuluar persona të tjerë të përfshirë në këtë rrjet të trafikimit të narkotikëve. /CNA





Lajmet e fundit nga