web counter
LEXO PA REKLAMA!

SHKARKO APP

App Store
Google Play

E fundit!

x

Punësoi një të mitur dhe organizonte lojëra fati në lokal/ Arrestohet 37-vjeçari në Tiranë

10 Nëntor 2025, 12:22, Kronika CNA

Punësoi një të mitur dhe organizonte lojëra fati në

Një 37-vjeçar u arrestua në Tiranë, pasi kishte punësuar ilegalisht në lokalin e tij në zonën e Kombinatit në kryeqytet një të mitur si kamerier dhe organizues të lojërave të fatit. 

I mituri u vu në hetim. 

Në kuadër të operacionit "The game", u sekuestruan 2 celularë dhe 1 kompjuter, nëpërmjet të cilëve luheshin lojërat.

Njoftimi: 

Si rezultat i administrimit të menjëhershëm të informacioneve të siguruara në rrugë operative, se një shtetas kishte përshtatur lokalin e tij, në "Kombinat", për organizim të kundërligjshëm të lojërave të fatit, specialistët e Seksionit për Hetimin e Krimeve Kibernetike, në bashkëpunim me shërbimet e Forcës së Posaçme Operacionale dhe me shërbimet e Forcës së Posaçme “Shqiponja”, finalizuan operacionin “The game”.

Në kuadër të operacionit u arrestua në flagrancë shtetasi A. L., 37 vjeç, banues në Tiranë, dhe nisi procedimi në gjendje të lirë për një 15-vjeçar.

Nga verifikimet rezultoi se i mituri ishte punësuar ilegalisht, si kamerier, në lokalin në pronësi të shtetasit A. L.. Gjithashtu, i mituri vinte baste sportive dhe organizonte lojëra fati të tjera, për llogari të pronarit të subjektit.

Materialet procedurale iu referuan Prokurorisë së Tiranës, për veprime të mëtejshme./CNA 





Lajmet e fundit nga