web counter
LEXO PA REKLAMA!

SHKARKO APP

App Store
Google Play

Lejuan të kalonte kamionin me lëndë narkotike/ Pezullohen dy efektivë

10 Nëntor 2025, 13:45, Kronika CNA

Lejuan të kalonte kamionin me lëndë narkotike/ Pezullohen dy

Agjencia e Mbikëqyrjes Policore ka pezulluar nga detyra dhe ka caktuar masën “Detyrim paraqitje” për dy efektivë të doganës së Hanit të Hotit.

Këta efektivë dyshohet se lejuan një kamion me targa të Bosnjë-Hercegovinës të kalonte doganën, i cili kshte lëndë bimorë të ngjashme me marijuanë.

 

Njoftimi 

Agjencia e Mbikëqyrjes Policore (Rajoni Shkodër - Lezhë) ka ekzekutuar vendimin e Gjykatës së Shkallës së Parë të Juridiksionit të Përgjithshëm Shkodër, e cila ka caktuar masat e sigurimit personal “Pezullim i ushtrimit të një detyre a shërbimi publik” dhe “Detyrim për t'u paraqitur në policinë gjyqësore” parashikuar në nenet 242 dhe 234 të Kodit të Procedurës Penale, për dy punonjës policie të dyshuar për kryerjen e veprës penale “Shpërdorim i detyrës” parashikuar në nenin 248 të Kodit Penal.

B.Q., me detyrë Ndihmësspecialist / Kontrollor në Pikën e Kalimit Kufitar “Hani i Hotit”.

E.K., me detyrë Trupë Shërbimi / Kontrollor në vijën e dytë në Pikën e Kalimit Kufitar “Hani i Hotit”.

Caktimi i masave të sigurisë u bë i mundur pas hetimeve të thelluara me metoda speciale, në lidhje me ngjarjen e datës 05.09.2025, ku një kamion me targa të Bosnjë-Hercegovinës pasi ka kryer procedurat e daljes nga Republika e Shqipërisë është ndaluar nga policia malazeze. Pas kontrollit të ushtruar në kamion janë gjetur 114 pako PVC, me përmbajtje të një lënde bimore të ngjashme me lëndën narkotike marijuanë, me peshë bruto 131.7kg.

Vijojnë hetimet për zbardhjen e plotë të ngjarjes dhe përfshirjen e mundshme të personave të tjerë në këtë veprimtari kriminale.





Lajmet e fundit nga