web counter
LEXO PA REKLAMA!

SHKARKO APP

App Store
Google Play

Dyshohet se u përdor nga autorët e atentatit në Rinas/ Brenda automjetit të djegur gjenden 4 armë zjarri

11 Nëntor 2025, 16:52, Kronika CNA

Dyshohet se u përdor nga autorët e atentatit në Rinas/ Brenda

Policia e Tiranës ka dalë me një tjetër reagim për atentatin e ndodhur ditën e sotme në Rinas. Sipas informacioneve zyrtare, në fshatin Halil në Krujë u gjet i djegur një automjet tip “Toyota”, që dyshohet se është përdorur nga autorët e atentatit.

Bëhet me dije se brenda automjetit janë gjetur 4 armë zjarri që dyshohet se janë përdorur në ngjarje. Armët do të dërgohen në Institutin e Policisë Shkencore.

Njoftimi i policisë:

Krujë

Shërbimet e Policisë, gjatë kontrollit të zonës, në fshatin Halil, kanë konstatuar duke u djegur një automjet tip “Toyota”, që dyshohet se është përdorur nga autorët e ngjarjes së ndodhur në Rinas. 

Në automjet janë konstatuar 4 armë zjarri që dyshohet se janë përdorur në këtë ngjarje. 

Armët do të dërgohen në Institutin e Policisë Shkencore.

Në drejtimin e Prokurorisë vijon puna për dokumentimin e rrethanave të ngjarjes, identifikimin dhe kapjen e autorëve.

Kujtojmë se nga atentati mbeti viktimë shtetasi Gilmando Dani, i njohur si krahu i djathtë i Emiljano Shullazit. Po ashtu mbeti i plagosur dhe personi që ishte në makinë me të, shtetasi me inicialet M.Sh. Ky i fundit ndodhet në gjendje të rëndë shëndetësore. /CNA





Lajmet e fundit nga