web counter
LEXO PA REKLAMA!

SHKARKO APP

App Store
Google Play

E fundit!

x

I përdhunoi gruan dhe vëllai e fali/ Dëshmia e re e krimeve makabre të Dan Hutrës

2 Mars 2023, 17:12, Kronika CNA

I përdhunoi gruan dhe vëllai e fali/ Dëshmia e re e krimeve
Detaje të reja kanë dalë në dritë lidhur me ngjarjen e djeshme ku vrasësi serial Dan Hutra ka ekzekutuar me armë 3 gra dhe ka plagosur 3 të tjera.

Sipas dëshmisë së dhënë nga fqinjët e Dan Hutrës, vëllai i tij i ka falur përdhunimin e gruas autorit të vrasjes së trefishtë dhe krimeve të tjera makabre në të kaluarën ndaj grave.

Fqinja e tij tha për "Euronews Albania" se përdhunimi u konsiderua një ngaterrëse dhe se shteti nuk e dënoi për përdhunimin e kunatës së tij.

"E mohuan siç vrau gruan e dytë, jo për përdhunimin e gruas së tij se për atë nuk i mbajtën mëri. Përdhunimin e quajtën si ngatërresë nate dhe si pa njeri. As shteti nuk e dënoi për atë gjë. U pajtuan bën dhe dasëm kur u martua ky. E bën te shtëpia këtu. Më pas ai u zhvendos të jetonte në Bathore, atje e theri gruan. Pas vrasjes s’u bënë më me atë, vetëm e ëma i shkonte në burg. Kur doli ky nga burgu në darkë, në mëngjes ata ikën dhe u larguan nga Shqipëria se kishin frikë nga vëllai i tyre. Kërkuan strehim politik se i kërcënonte”, thanë fqinjët.

Për sa i përket humbjes së jetës të babait të Dan Hutrës, ata thanë se nuk e njohin pasi e kanë vrarë herët në Kukës.

“Nuk e njohim fare atë. Atë e kanë vrarë shpejt, në Kukës. Ata thonë që e vrau e shoqja sipas të dhënave. Kështu thonë këta kuksianët”, tha ajo./CNA.al





Lajmet e fundit nga