web counter
LEXO PA REKLAMA!

SHKARKO APP

App Store
Google Play

Zbardhen masat e policisë/ Rrugët që do të bllokohen nesër për protestën e opozitës

2 Mars 2023, 16:25, Kronika CNA

Zbardhen masat e policisë/ Rrugët që do të bllokohen

Drejtoria e Policisë së Tiranës ka zbardhur planin e masave të hartuar për nesër me qëllim garantimin e rendit dhe sigurisë, para, gjatë dhe pas përfundimit të protestës së opozitës që do të mbahet në orën 12:00, në bulevardin “Dëshmorët e Kombit".

Blutë bëjnë me dije se do të angazhohen për bllokimin e qarkullimit në disa segmente rrugore, si dhe për bllokimin e pjesshëm të qarkullimit në disa segmente të tjera rrugore.

Konkretisht, duke filluar nga ora 06:00 nuk do të lejohet parkimi i automjeteve, në rrugët e poshtë shënuara:

Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i Rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D'Ark" dhe bulevardi "Bajram Curri”, nga kryqëzimi i Rrugës së Elbasanit me rrugën “Ibrahim Rugova”.

Gjithashtu, në këto rrugë, do të bllokohet qarkullimi i automjeteve, nga ora 10:00 e deri në përfundim të tubimit.

Policia kërkon mirëkuptimin e qytetarëve që të shmangin lëvizjen me automjete, në këto akse rrugore dhe të përdorin rrugë alternative, për të mos penguar lëvizjen e lirë të pjesëmarrësve në tubim.

Policia garanton qytetarët se ka marrë të gjitha masat në përmbushje të përgjegjësive institucionale, për garantimin e rendit dhe të sigurisë, para, gjatë dhe pas përfundimit të tubimit, si dhe për garantimin e sigurisë rrugore, në të gjithë territorin e vendit, veçanërisht në sheshet dhe në segmentet rrugore, në të cilat do të zhvillohet tubimi./ CNA.al





Lajmet e fundit nga