web counter
LEXO PA REKLAMA!

SHKARKO APP

App Store
Google Play

E fundit!

x

Apeli i GJKKO-së i shtoi dhe një vit burg/ Arrestohet ish-kryetari i Bashkisë Lushnjë

2 Mars 2023, 14:48, Kronika CNA

Apeli i GJKKO-së i shtoi dhe një vit burg/ Arrestohet ish-kryetari i

Apeli i GJKKO-së i shtoi dhe një vit burg ish-kryetarit të Bashkisë së Lushnjës, Fatos Tushe, ndërkohë mësohet se ditën e sotme është arrestuar. 

Kujtojmë se Apeli i Gjykatës së Posaçme kundër Korrupsionit dhe Krimit të Organizuar ka shpallur fajtor ish-kryetarin e Bashkisë Lushnje, Fatos Tushe me akuzën e shkeljes së barazisë në tendera.

Ky vendim e çon dënimin për Tushen më 3 vite e 4 muaj burg. Më herët, Tushe ishte dënuar nga shkalla e parë për shpërdorim detyre dhe lejim të ndërtimeve pa leje, duke u dënuar me 2 vite e 4 muaj burg. 

Por tashmë, dënimi final është rritur dhe Fatos Tushe dënohet me 5 vite burg. Aplikimi i gjykimit të shkurtuar, e çon dënimin e tij në 3 vite e 4 muaj. Ai duhet të rikthehet në qeli për të vuajtur dënimin edhe me 1 muaj burg. 

Tushe u arrestua më 6 korrik 2021, ai u prangos në një operacion të SPAK-ut bashkë me disa nga vartësit e tij, pasi u akuzua për shpërdorim detyre. Tenderi që i dogji zyrtarët e bashkisë Lushnje, ishte për rehabilitimin e një kanali ujitës në fshatrat Bishqethëm dhe Bitaj me vlerë 24 milionë lekë.

Tenderi u fitua nga kompania EuroAlb shpk, që garoi me ofertën më të lartë, ndërsa punimet, fitimet dhe punën i bëri kompania e biznesmenit Ibrahim Lami. Në dosjen e SPAK, Lami përshkruhet si lidhje e ngushtë e Tushes dhe familjar i pronarit të EuroAlb shpk, Bujar Murati. Sipas SPAK, Lami dhe Murati i kanë ndarë paratë bashkë./CNA.al





Lajmet e fundit nga