web counter
LEXO PA REKLAMA!

SHKARKO APP

App Store
Google Play

“Në fillim doja të vrisja 40-vjeçaren me thikë në fyt”/ Monstra Hutra rrëfen me gjakftohtësi ekzekutimet

2 Mars 2023, 11:34, Kronika CNA

“Në fillim doja të vrisja 40-vjeçaren me thikë

Dëshmia e vrasësit, Dan Hutra, ka nxjerrë detaje tronditëse për mënyrën se si kishte planifikuar masakrën ndaj grave.

Ai ka thënë në Polici, se fillimisht kishte qëllim të vriste Marjana Gurakuqin me thikë në fyt.

Më tej ai ka dëshmuar se qëllimi i tij ishte të vriste vëllain e Vladimir Kurtit. 

“Planin e kisha të përgatitur dhe kisha 4 objektivë për të vrarë. Në fillim doja të vrisja 40-vjeçaren në Astir, të cilën doja ta prisja në fyt, por u largua dhe në dyqan u futën njerëz të tjerë. Doja ta vrisja sepse më kishte 80 mijë euro borxh. Nuk doja ta qëlloja me armë sepse më pas nuk realizoja dot vrasjet e tjera. Më pas shkova në Kodër-Kamëz, sepse doja të vrisja ish-vjehrrin, por duke qenë se nuk e gjeta në shtëpi, kam qëlluar ndaj grave. Pasi më mbaruan plumbat nxora thikën dhe sulmova me thikë. Më pas kisha dy objektivë, vëllain e Vladimir Kurtit dhe një person tjetër që i ka dhënë pistoletën vrasësit të babait tim para 23 vitesh. Duke qenë se e kisha më afër dhe nuk kishte trafik shkova te shtëpia e Vladimir Kurtit.

U futa në banesë dhe nuk gjeta njeri, po kërkoja vëllain e Vladimir Kurtit. Kur dola në oborr thirra: A ka njeri këtu? Dhe doli motra e tij. Qëllova ndaj saj, ndërsa ndaj nënës nuk qëllova vetë, sepse nuk doja ta vrisja. Vrasjen e bëra sepse kisha sherr me vëllain e saj në burg dhe e kisha paralajmëruar. Mora makinën dhe u largova drejt Sharrës dhe rrugës jam ndeshur me disa patrulla policie, të cilat shkonin drejt vendngjarjeve. Kur arrita në Kodër po prisja ardhjen e objektivit tjetër. Pas kryerjes së vrasjes së 4-t unë do dorëzohesha vetë dhe do shkoja në burg”, -ka thënë Dan Hutra në polici./CNA.al





Lajmet e fundit nga