LEXO PA REKLAMA!

SHKARKO APP

Familja e kishte shpallur në kërkim/ Vetëmbytet 55-vjeçarja në Skrapar

22 Janar 2023, 18:44, Kronika CNA
Familja e kishte shpallur në kërkim/ Vetëmbytet
Foto ilustruese

Një ngjarje e rëndë ka ndodhur ditën e djeshme në fshatin Rehovë të Skraparit.

Dyshohet se është vetëmbytur në ujërat e lumit të fshatit, shtetasja me iniciale Sh.Ll., 55 vjeçe, banuese në fshatin  Rehovë, Skrapar.

Trupi i pajetë i 55-vjeçares është nxjerrë nga uji dhe nga këqyrja paraprake e trupit të viktimës, nuk janë konstatuar shenja dhune.

Për 55-vjeçaren, ditën e djeshme ka njoftuar bashkëshorti i saj se është larguar nga banesa. Nga deklarimet e familjarëve, prej disa kohësh viktima kishte shfaqur shenja depresioni dhe në vazhdimësi ishte shprehur se do të mbytej në lumë.

Aktualisht grupi hetimor po punon për sqarimin e plotë të rrethanave të ngjarjes.

Sakaq, materialet i kaluan Prokurorisë pranë Gjykatës së Shkallës së Parë Berat, për veprime të mëtejshme./ B.A. – CNA.al

Lajmet e fundit nga