LEXO PA REKLAMA!

SHKARKO APP

“Armët gati për zjarr”/ Biseda e ish-shefit të Gardës me vartësit më 21 janar: Ta gjakos…

20 Janar 2023, 20:38, Kronika CNA
“Armët gati për zjarr”/ Biseda e ish-shefit të
Ish-kreu i Gardës së Republikës, Ndrea Prendi

Gazetari ka publikuar të transkriptuar bisedën e zhvilluar mes ish-kreut të Gardës së Republikës, Ndrea Prendit me vartësit e tij në 21 janar të 2011-ës, kur u vranë në bulevardin “Dëshmorët e Kombit” 4 protestues.

Në bisedën e Prendit me vartësit e tij dëgjohet urdhri i ish-shefit të Gardës për të qenë në gatishmëri për të hapur zjarr.

Në një moment, njëri prej efekltivëve kërkon leje për të qëlluar një person dhe në atë moment dëgjohen të shtëna.

Sipas Hoxhës, ky audio-regjistrim vërteton se vrasja e 4 protestuesve ishte me urdhër.

Shkrimi i plotë i Artan Hoxhës:

Me në fund pas 12 vitesh, zbulohet regjistrimi audio, i urdhërave të dhëna nga Garda e Republikës për ekzekutimin e 4 protestuesve në Bulevardin “Dëshmoret e Kombit”….

Një pjesë nga komunikimi në radio i drejtuesve të Gardës së Republikës në momentin e vrasjeve të protestuesve, pasditen e 21 janarit 2011….

Kaseta nr.1 A

Komandanti i Gardës Ndrea Prendi:

“Të mbahen armët në dorë gati për zjarr.

Të mbahen armët në dorë gati për zjarr në ajër.

Pastaj kur të them unë në trup”.

Ndrea Prendi:

“Artan (Artan Hoxho, zv/komandanti i Gardës) dëgjon?

Artan dëgjon?

Artan Hoxha zv/komandanti i Gardës:

“Dëgjoj, dëgjoj”

Ndrea Prendi:

“Me të kaluar gardhi i telave do hapet zjarr luftarak”.

Artan Hoxha:

“Kuptova, kuptova”

Ndrea Prendi:

“Ky është urdhri.

Dashamir dëgjuat?!

Dy efektiva të njësisë speciale, Alfred (Alfred Ahmetcenaj)

Ta ta ta gjakos (urdhri për të vrarë)”.

Audio:

“Menjëherë dëgjohen të shtëna tek e tek, sërish dëgjohen 8 të shtëna radhazi një nga një”.

Ndrea Prendi:

“Alfred?

Alfred Ahmetcenaj:

“Po dëgjoj (dëgjohen 2-3 të shtëna tek e tek)”

Ndrea Prendi:

“Kujdes municionin!

Kujdes municionin!”

Në vijim pauzë e gjatë në radio.

Kaseta nr.1 B

Ndrea Prendi:

“Alfred dëgjon?”

Alfred Ahmetcenaj:

“Po dëgjoj”

Ndrea Prendi:

“Po afrohen shumë.

Duhet të jeni gati për zjarr”.

Alfred Ahmetcenaj:

“Po të kuptova drejt”.

Ndrea Prendi:

“Alfred, grupi i njësisë speciale, këta te porta numër 2”.

Alfred Ahmetcenaj:

“Po të kuptova”

Ndrea Prendi:

“Një grup i vogël”.

Alfred Ahmetcenaj:

“Po ju kuptova”…

Komunikimet (urdhrat) janë dhëne vetëm me radio nga komandanti i Gardës për vartësit e tij./ B.A. - CNA.al

Lajmet e fundit nga