E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Publikimi i audio-përgjimeve/ 2 teoritë e Mustafa Nanos për 21 janarin

21 Janar 2023, 17:08, Kronika CNA

Publikimi i audio-përgjimeve/ 2 teoritë e Mustafa Nanos për 21

Gazetari Mustafa Nano ka reaguar pas publikimit të audio-përgjimeve ku dëgjohej urdhri i dhënë për të vrarë 4 protestuesit më 21 janar.

Nano nëpërmjet një postimi në rrjete sociale ka hedhur dy hipotaza lidhur me ngjarjen dhe mbi personin të cilin rëndon fajin.

Sipas tij një teori tregon se faji është edhe i kreut të PD-së Sali Berishës edhe Lulzim Bashës asokohe ministër i brendshëm.

Teoria e dytë lidhet me faktin se Basha më 21 janar lujati rolin e figurantit dhe iu kërkua të mos hapte gojë.

Sipas Nanos, shpjegimi i dytë është më i bësueshëm për të dhe ndër të tjera i bëri thirrje SPAK-ut të hetojë çështjen.

“Dje, para se të dilnin në dritë përgjimet e Artan Hoxhës mbi 21 janarin, dëgjuam Berishën të fliste. Dhe Bashës, që atëmot ishte ministër i brendshëm, nuk i dha asnjë rol në atë ngjarje. “Nuk e shiti.” Dy janë shpjegimet e këtij qëndrimi. 1. Ky është një krim i të dyve, dhe në këtë pikë do jenë bashkë deri në varr. 2. I përcillet Bashës mesazhi: “armiqësia mes nesh nënkupton çdo goditje ndaj njëri-tjetrit, por me 21 janarin nuk bëhet shaka.”

Personalisht, besoj këtë të dytën. Basha ka qenë një figurinë atë ditë. Dhe po i kërkohet të mos e hapë gojën. Mirë, Basha ka një mundësi t’i bëjë një shërbim të madh vendit. Duke rrëfyer çfarë di. Sepse ai, edhe sikur të mos ketë bërë asgjë, di gjithçka.

Sidoqoftë, pas publikimit të Artan Hoxhës, SPAK-u duhet të fillojë menjëherë veprimet. Për mua është e çuditshme se si sot në mëngjes nuk lexova dot lajmin me titull: “Arrestime gjatë natës lidhur me 21 janarin”, shkruan ai./ CNA.al