web counter
LEXO PA REKLAMA!

SHKARKO APP

App Store
Google Play

Ekzekutimi i Edmond Papës nga djali i efektivit/ Softa: Policia, nën tutelën e politikës dhe krimit

4 Janar 2023, 15:14, Kronika CNA
Ekzekutimi i Edmond Papës nga djali i efektivit/ Softa: Policia, nën
Eksperti i sigurisë, Fatjon Softa

Eksperti i sigurisë, Fatjon Softa, thekson nevojën për vetting në polici. Sipas ekspertit, të bërit vetting në polici, do të sjellë më pak privatësi për efektivët e policisë dhe do të hetohet pasuria e tyre dhe e familjes.

Gjatë një interviste në rubrikën “Opinion”, referuar vrasjes së Edmond Papës, eksperti tha se ngjarja u zbulua falë pamjeve të kamerave të sigurisë.

Ndër të tjera u shpreh se policia vazhdon të jetë nën mbikëqyrjen dhe nën tutelën e politikës dhe krimit.

 “Ndihmuan kamerat e sigurisë për zbardhjen e vrasjes së Papës. Elementi i kamerave është i rëndësishëm. Tirana sot është më e sigurt. Por ka disa ngjarje që nuk janë zbardhur. Mendoj se ka ardhur koha që të ketë një hartë të shtrirjes së këtyre kamerave. Kjo hartë duhet të jetë mbi bazën e komisariateve. Nëse nuk do kishte kamera, ngjarja nuk do ishte zbardhur. Kamerat duhet të kenë rezolucion.

Krimi nuk është më ai që ka qenë në '97, është bërë më i sofistikuar. Sot bëhet fjalë për një djalë të përfshirë në krim, që është djalë i një polici. Ndaj vettingu duhet të shtrihet në polici. Në momentin që ke një uniformë policie nuk duhet të kesh privatësi. Mund të përdoret infrastruktura e policisë, apo mjete të tjera.

Vettingu nuk është vetëm profesional, por dhe për familjen e tij. Policia vazhdon të jetë nën mbikëqyrjen dhe nën tutelën e politikës dhe të krimit. Politika duhet ta lërë të lirë policinë të bëjë detyrën", tha ai./ CNA.al





Lajmet e fundit nga