web counter
LEXO PA REKLAMA!

SHKARKO APP

App Store
Google Play

E fundit!

x

Vrasja në Prizren/ Kryeprokurori i çështjes zbardh detaje nga ngjarja

3 Janar 2023, 17:11, Kronika CNA
Vrasja në Prizren/ Kryeprokurori i çështjes zbardh detaje nga
Dibran Hoxhaj

Kryeprokurori i Prokurorisë Themelore të Prizrenit, Admir Shala, ka folur për Gazetën Express për vrasjen që ndodhi mëngjesin e sotëm në dalje të Prizrenit, ku mbeti i vrarë një 31-vjeçar me origjinë nga Kukësi dhe u plagos një 27-vjeçar.

Kryeprokurori Shala u shpreh se konflikti nisi në lokalin “Kobra City” lidhur me pagesën e faturës për disa shërbime që dy të rinjtë kishin kërkuar.

Lidhur me rastin kryeprokurori ka konfirmuar se janë ndaluar 6 persona për 48 orë, e bashkë me të edhe pronari i lokalit Dibran Hoxhaj, i njohur ndryshe si “Kobra”.

Ai sqaroi se prokuroria është duke hetuar rastin deri në zbardhjen e plotë të ngjarjes, ndërkohë që arma e krimit ende nuk është gjetur,

Shala tha gjithashtu se  Dibran Hoxhaj është i dyshuar për veprën penale “vrasje e rëndë”, ndërsa të ndaluarit e tjerë për “pjesëmarrje në rrahje”.

Gazeta Express raporton se motivi i sherrit dhe i vrasjes ka qenë një faturë me vlerë 400 euro.

 “Sot në orën 04:10, policia ka marrë informatë se ka pasur të shtëna në afersi të lokalit “Kobra City”, në dalje të Prizrenit rruga Prizren- Kukës. Dyshohet se ngjarja tragjike ka ndodhur pas një konflikti në lokalin “Kobra City” me disa shtetas të Shqipërisë, lidhur me pagesën e faturës së shërbimeve”, tha për Gazetën Express kryeprokurori Admir Shala.

“Në momentin që shtetasit V.C., R.Sh dhe A.B, po largoheshin me automjetin e tyre te markes Audi, dyshohet se shtetasi D. H, ka qëlluar me armë zjarri në drejtim të automjetit të tyre”, shtoi ai.

Shala thekson se 27-vjeçari i plagosur është jashtë rrezikut për jetë.

“Si pasojë e të shtënave me armë zjarri 31-vjeçari me inicialet V. C., dhe R. Sh., 27 vjeç, të dy nga Kukësi janë plagosur, ku si pasoj e plagëve shtetasi V.C. ka vdekur, ndërsa shtetasi R.SH. ka pësuar lëndime trupore dhe është jashtë rrezikut për jetë”.

Kryeprokurori tha se autoritetet e Kosovës dhe ato të Shqipërisë janë duke bashkëpunuar për zbardhjen e plotë të ngjarjes.

 “Prokuroria Themelore në Prizren së bashku me Policinë e Kosovës, janë duke i ndërmarrë të gjitha veprimet e nevojshme, me qëllim të sigurimit te provave dhe zbardhjes së rrethanave të ngjarjes. Organet e zbatimit të ligjit të Kosovës dhe ato të Shqipërisë janë në bashkëpunim për zbardhjen e plotë të rrethanave të ngjarjes. I dyshuari D.H. dyshohet për veprën penale vrasje e rëndë”, tha Shala për Gazetën Express.

Pas bastisjes gjithashtu është mbyllur lokali “Kobra City” në Prizren, ndërkohë që në vendngjrje janë gjetur tri gëzhoja plumbash.

Gazeta Express raportoi se kontrolle janë kryer edhe në shtëpinë e autorit të dyshuar Dibran Hoxhaj./CNA.al





Lajmet e fundit nga