web counter
LEXO PA REKLAMA!

SHKARKO APP

App Store
Google Play

Nipi iu vra me plumba pas shpine/ Xhaxhai i 31-vjeçarit, apel drejtësisë: Nuk do të ketë indiferencë nga krahu ynë

4 Janar 2023, 09:48, Kronika CNA

Nipi iu vra me plumba pas shpine/ Xhaxhai i 31-vjeçarit, apel

Visar Cengu, 31 vjeç, u vra në Prizren mëngjesin e një dite më parë.

Një ditë pas ngjarjes së rëndë, xhaxhai i viktimës, Besim Cengu, ka dalë me një thirrje për organet e drejtësisë.

Ai ka kërkuar që organet e drejtësisë të mos qëndrojnë indiferente, ndryshe familja do të reagojë, për ta vënë vetë në vend drejtësinë.

 “Është mirë që drejtësia të merret dhe të mos e nxitë vëllain me indiferencë. Organet në Kosovë dhe Shqipëri ta shqyrtojnë këtë rast. Nëse do të ketë indiferencë atëherë nuk duhet të ketë indiferencë nga krahu jonë”, ka thënë ai për "Klan Kosova".

Sipas tij, nipi ishte një person paqësor. Ai ka hedhur poshtë dyshimet se sherri ka nisur për një faturë të papaguar.

“Ndoshta, sepse ka pasur ngatërresë që brenda mesa mora vesh unë. Por unë i njoh të tre dhe kam bindjen e plotë se këta nuk kishin lidhje me konsumim të një ushqimi dhe të mos paguajnë. Ata kanë qenë çuna të sjellshëm. Fakti që në makinë nuk kanë pasur asnjë mjet luftarak, ata kanë qenë paqësorë dhe kanë shkuar për të konsumuar diçka. Djali ka qenë në Francë dhe u kthye tani”, u shpreh xhaxhai.

Më tej ai ka rrëfyer edhe dinamikën e ngjarjes. Ai ka thënë se nipi është qëlluar nga mbrapa kur po ikte me makinë. 31-vjeçari ka marrë një plumb që i ka prekur mushkërinë, gjë që çoi në humbjen e jetës së tij.

 “Ka ndodhur rreth orës 4 të mëngjesit. Makina ku ishte djali nuk ka pasur armë. Pasi janë zënë aty, ka pasur goditje nga pas, pasi është nisur makina. Nipi im ka vdekur ndërsa tjetri është plagosur”, ka thënë më tej ai./CNA.al





Lajmet e fundit nga