Dy vite pas vrasjes së ish-efektivit të FNSH-së/ Prokuroria ngre akuzat për dy të pandehurit

1 Dhjetor 2022, 10:30, Kronika CNA

Dy vite pas vrasjes së ish-efektivit të FNSH-së/ Prokuroria ngre

Ish-efektivi i policisë Xhuliano Prela

Është kaluar në gjykim dosja e vrasjes së ish-efektivit të policisë, Xhuliano Prela.

Si të pandehur Gjykata ka marrë shtetasit Redion Hysa dhe Nikoll Sherniku.

Kujtojmë se efektivi i Ndërhyrjes së Shpejtë të Shkodrës, Xhuliano Prela, është vrarë në dhjetor të vitit 2020, në autostradën Lezhë-Milot, në afërsi të fshatit Gajush.

Prokuroria ka ngritur akuza ndaj të pandehurve Redion Hysa dhe Nikoll Sherniku.

Hysa akuzohet për “Vrasje me dashje” parashikuar nga neni 76 i kodit penal, “Mbajtje pa leje dhe prodhimi i armeve shpërthyese dhe i municionit” “Kanosje” si dhe “Prishje e rendit dhe qetësisë publike”.

Ndërsa Sherniku akuzohet për “Përkrahje e autorit të krimit”.

Redion Hysa së bashku me kushëririn e tij Sokol Hysa janë arrestuar më 28 dhjetor, ku u kapën për arsye se kishin qëlluar në drejtim të karburantit. Kamerat e këtij biznesi kishin filmuar edhe momentin kur Hysa kishte qëlluar ish-efektivin e policisë, Xhuliano Prela.

Më tej përballja e tij më drejtësinë mori një rrugë të re, pasi u zbulua se në armën e gjetur në depozitën mbi tarracën e tij, ishte e njëjta armë që ishte përdorur edhe për vrasjen e efektivit të FNSH-së.

Ekspertiza balistike ka vërtetuar shkencërisht se pistoleta që fshihej në depozitën e ujit të Redjol Hysës, ishte e njëjta që ishte përdorur për vrasjen e ish-efektivit të FNSH-së. Më tej ekspertiza ka thënë se edhe fisheku, i cili i ka marrë jetën efektivit është qitur nga ajo armë që është gjetur në depozitën e Hysës.

Hysa është njohur me të gjitha provat që ka grumbulliuar policia, por nuk ka dhënë shpjegime për to.

Aktualisht çështja është në gjykim paraprak dhe do të jetë gjykata që tashmë do të vendose kalimin për gjykim themeli apo rikthimin në prokurori për plotësim hetimesh.

Dyshohet se konflikti ka ndodhur për shkaqe momentale, dhe shkak për sherrin mes palëve janë bërë dritat e makinave që reflektonin tek pala tjetër.

Ish-efektivi po kthehej nga Shkodra, pasi kishte përcjellë një mik që i kishte ardhur nga Anglia. Vrasja ndodhi në afërsi të fshatit Gajush në orën 03:00 të mëngjesit, ku dyshohet se është qëlluar nga një distancë e afërt./CNA.al