web counter
LEXO PA REKLAMA!

SHKARKO APP

App Store
Google Play

Djegia e qëllimshme e një mjeti në Lushnjë/ Arrestohet 39-vjeçari, në kërkim porositësi i krimit

2 Prill 2026, 09:09, Kronika CNA

Djegia e qëllimshme e një mjeti në Lushnjë/ Arrestohet

Një 39-vjeçar është arrestuar në Lushnjë, pasi dogji një automjet me porosi të një personi tjetër. Në pranga është vënë shtetasi M.B., me precedent penal. Ndërkohë po punohet për kapjen e personit që dyshohet se ka porositur krimin, 28-vjeçarin A.Z.

Ky i fundit, sipas policisë, ka qenë në konflikt pronësie me xhaxhain e pronarit të automjetit të djegur.

Njoftimi i policisë:

Dogji automjetin e një shtetasi, me porosi të një 28-vjeçari, identifikohet dhe kapet 39-vjeçari (shtetas me precedent penal).

Punohet për kapjen e 28-vjeçarit, i cili dyshohet se e porositi krimin, për shkak të konflikteve për motive pronësie, me xhaxhanë e pronarit të automjetit të djegur.

Menjëherë pas kallëzimit të shtetasit D. V., se i kishin djegur automjetin, në afërsi të banesës së tij, në fshatin Pluk, shërbimet e Komisariatit të Policisë Lushnjë organizuan punën operacionale dhe veprimet hetimore për të përcaktuar autorësinë e rastit dhe për të sqaruar rrethanat.

Si rezultat, u identifikua, u kap dhe u vu në pranga autori i dyshuar i djegies, shtetasi M. B., 39 vjeç, banues në këtë fshat.

Gjithashtu, u identifikua shtetasi që dyshohet se porositi kryerjen e këtij krimi, A. Z., 28 vjeç, i cili nga veprimet hetimore, rezultoi se ka qenë në konflikt me xhaxhanë e shtetasit D. V., për motive pronësie. Punohet intensivisht për kapjen e 28-vjeçarit.

Materialet procedurale iu referuan Prokurorisë së Fierit, për veprime të mëtejshme. /CNA





Lajmet e fundit nga