E fundit!

07:30 Horoskopi

Horoskopi i ditës, e mërkurë 15 korrik 2026

Dashi Ruani qetësinë në marrëdhënie dhe shmangni reagimet...

Tentuan të marrin peng një 17-vjeçar dhe e plagosën me thikë/ Arrestohen dy persona në Pogradec

1 Prill 2026, 11:29, Kronika CNA

Tentuan të marrin peng një 17-vjeçar dhe e plagosën me

Dy persona janë arrestuar në Pogradec, pasi tentuan të merrnin me forcë një 17-vjeçar, ushtruan dhunë fizike ndaj tij dhe e plagosën me thikë.

Ngjarja dyshohet se ka ndodhur pas një konflikti për motive të dobëta, ndërsa në pranga janë vënë shtetasit M. Xh. dhe A. H., për veprat penale “Heqja e paligjshme e lirisë”, mbetur në tentativë dhe “Plagosja e lehtë me dashje”, kryer në bashkëpunim.

Sipas informacioneve policore, 17-vjeçari është plagosur me thikë në dorë. Bëhet me dije se ai ka marrë mjekim dhe është jashtë rrezikut për jetën.

Njoftimi i policisë:

Pogradec/Finalizohet operacioni i koduar “Fast”.

Tentuan të merrnin me forcë, në automjet, një 17-vjeçar, ushtruan dhunë fizike ndaj tij dhe e dëmtuan me thikë, për motive të dobëta, identifikohen, kapen dhe vihen në pranga 2 shtetas.

Menjëherë pas marrjes së njoftimit për një konflikt në lagjen nr. 3, Pogradec, shërbimet e Komisariatit të Policisë Pogradec janë nisur drejt adresës së dhënë, me qëllim parandalimin e përshkallëzimit të konfliktit, identifikimin dhe kapjen e shtetasve të përfshirë.

Si rezultat i veprimeve të shpejta të shërbimeve të Policisë, në kuadër të operacionit të koduar “Fast”, u identifikuan shtetasit M. Xh. dhe A. H., të cilët ishin larguar nga vendngjarja, me automjet. Ata u kapën dhe u ndaluan në bashkëpunim me shërbimet e Stacionit të Policisë Prrenjas.

Nga hetimet dyshohet se këta dy shtetas kanë tentuar të marrin me forcë në automjetin e tyre, një 17-vjeçar me të cilin ishin konfliktuar për motive të dobëta, kanë ushtruar dhunë fizike ndaj tij dhe e kanë dëmtuar me mjet prerës (thikë), në dorë. 17-vjeçari mori mjekim dhe është jashtë rrezikut për jetën.

Në përfundim të veprimeve, u arrestuan në flagrancë shtetasit M. Xh., 33 vjeç dhe A. H., 32 vjeç, banues në Pogradec, për veprat penale “Heqja e paligjshme e lirisë”, kryer në bashkëpunim, mbetur në tentativë dhe “Plagosja e lehtë me dashje”, kryer në bashkëpunim.

Materialet procedurale iu referuan Prokurorisë së Korçës, për veprime të mëtejshme. /CNA