web counter
LEXO PA REKLAMA!

SHKARKO APP

App Store
Google Play

E fundit!

x

Digjet magazina me dru në Drenovë/ Banorët: S’kemi para për t’i zëvendësuar

3 Gusht 2024, 18:09, Kronika CNA

Digjet magazina me dru në Drenovë/ Banorët: S’kemi para

Pasditen e kësaj të shtune është përfshirë nga flakët një magazinë me dru për ngrohje, në fshatin Drenovë të Korçës.

Siç raportoi CNA, zjarri ishte ndezur për të djegur barërat e këqinj, por flakët morën përmasa të mëdha dhe përfshinë edhe magazinën.

Kjo situatë ka shqetësuar banorët, të cilët kanë deklaruar për CNA-në se nuk kanë para për të ndërtuar një magazinë të re, apo edhe për të zëvendësuar drutë e djegura.

“Ne ishim shtrirë në shtëpi kur na vjen një komshi dhe na thotë që ka rënë zjarri nga kasollet ku kemi drutë, kur dalim jashtë flaka ishte në qiell, ne i kemi marrë drutë me borxhe. Ku të gjejmë të marim dru të tjera, kasollet na u dogjën. Do ketë qenë ndonjë që e ka vënë zjarrin por ne nuk e pamë se ne rrimë larg kasolleve. 10 metra dru kisha, nesër bëj javën që i kam marrë. Ne vetëm me 1 pension jemi, ku i kemi këto të ardhura ne të ndërtojmë kasollen e të marim drutë.

Nuk e dimë se kush e ka vënë se kishte kashtë mbrapa kasolleve. Afër pallateve ishin kasollet, rrezikoheshin të digjeshin edhe pallatet, edhe rruga e ngushtë që duhet të zgjerohet se s’ka ky hyn edhe zjarrfikësja. Zjarrfikësit kanë bërë punë të mirë, me sakrifica hynë dhe arritën të shuajnë zjarrin, mua po më digjen akoma drutë, kanë zbuluar çatinë time dhe po e fikin. Me se t’i marrim drutë? Tani vetëm shteti të mendojë për ne, komuna, bashkia. Se ne nuk kemi, i kemi mbledhur ato lekë si plaga qelbin. Kemi kursyer gojën tonë për ato dru.”, u shpreh një banore.

Ndërkohë, një banor tjetër ka treguar se në momentin që flakët morën përmasa të mëdha, ishte e vështirë të ndërhynin, pasi nuk kishin ujë.

“Duhet të ndihmojmë njëri-tjetrin, ç’të bëjmë. Shiko si u përvëluam. Vajtëm në ndihmë por s’kishim as ujë që të dilnim me markuçë e ta shuanim dhe ne zjarrin. Edhe sot e gjeti me një defekt tek uji që na u çanë tubacionet. Banesa ime ishte afër zjarrit, por shyqyr me kaq qoftë, edhe zjarrfikësja erdhi shpejt. Sa e lajmëruam, erdhi. Ca neve, ca dhe ata dhe deri tani siç po e shihni arritëm ta shuanim zjarrin”, ka nënvizuar banori./ CNA





Lajmet e fundit nga