Detaje nga sherri masiv në Vlorë/ Dy persona të plagosur, zbulohet shkaku i konfliktit

6 Gusht 2022, 21:21, Kronika CNA
Detaje nga sherri masiv në Vlorë/ Dy persona të plagosur,
Pamje nga sherri

Detaje të reja janë zbardhur nga sherri masiv në plazhin Vega në Vlorë.

Ashtu sikurse edhe CNA.al raportoi më herët, nga sherri kanë mbetur dy persona të lënduar, të cilët po marrin ndihmën mjekësore.

Sipas informacioneve paraprake, përplasja ka ndodhur për motive të dobëta, pasi dyshohet se dy të rinj kanë ngacmuar dy gra, duke bërë që familjarët të revoltuar të konfliktohen me dy të rinjtë.

“Sot, në spitalin e Vlorës, janë paraqitur për ndihmë mjekësore shtetasit A. B., 38 vjeç dhe K. A., 42 vjeç, të cilët dyshohet se janë konfliktuar fizikisht, për motive të dobëta, me tre shtetas të tjerë, ende të paidentifikuar, në plazhin e quajtur 'Vega', Vlorë.

Grupi hetimor po punon për sqarimin e plotë të rrethanave të ngjarjes dhe identifikimin e personave të tjerë të përfshirë në  konflikt”, thuhet në njoftim./ A.E-CNA.al

 

Lajmet e fundit nga