web counter
LEXO PA REKLAMA!

SHKARKO APP

App Store
Google Play

Vodhën mbi 2 milionë lekë të pensioneve/ Në pranga përgjegjësi i postës dhe vartësi i tij

5 Gusht 2022, 08:54, Kronika CNA

Vodhën mbi 2 milionë lekë të pensioneve/ Në pranga

Vjedhja e pensioneve është kthyer në standard nga punonjësit e postës. Këtë radhë një fenomen i tillë ka ndodhur në Divjakë, ku ka pasur edhe arrestime.

Dy persona, punonjës të Postës së Divjakës, janë arrestuar për shpërdorim detyre pasi dyshohet se kanë vjedhur 270 000 lekë të rinj.

Mbi ta rëndojnë akuzat “Vjedhja e kryer duke shpërdoruar detyrën" dhe "Falsifikimi i dokumenteve".

“Specialistët për Hetimin e Krimeve në Komisariatin e Policisë Divjakë, në bashkëpunim me Seksionin për Hetimin e Krimit Ekonomik e Financiar dhe Sektorin Operacional në DVP Fier, në vijim të punës për goditjen e paligjshmërisë, bazuar dhe në informacionet e marra në rrugë operative, organizuan dhe finalizuan me sukses operacionin policor të koduar "Post Office".

Në kuadër të këtij operacioni u bë arrestimi në flagrancë, për veprat penale “Vjedhja e kryer duke shpërdoruar detyrën" dhe "Falsifikimi i dokumenteve", i shtetasve:

E. Ll., 25 vjeç, banues në Divjakë, me detyrë përgjegjës i Zyrës Postare Divjakë;

G. M., 56 vjeç, banues në Divjakë, me detyrë punonjës shërbimesh në Zyrën Postare Divjakë.

Nga veprimet hetimore dyshohet se këta shtetas, në bashkëpunim me njëri-tjetrin, duke shpërdoruar detyrën, kanë vjedhur 270.000 lekë të rinj nga pensionet mujore të qytetarëve të Divjakës”, njofton Policia./CNA.al

 





Lajmet e fundit nga