web counter
LEXO PA REKLAMA!

SHKARKO APP

App Store
Google Play

“Skafi që vrau 7-vjeçaren përdorej për transport droge”/ Ish-drejtori i Policisë bën deklaratën e fortë

4 Gusht 2022, 22:24, Kronika CNA
“Skafi që vrau 7-vjeçaren përdorej për transport
Ish-drejtori i policisë, Shemsi Prençi

Ish-drejtori i policisë, Shemsi Prençi, e ka konsideruar ngjarjen tragjike të Himarës një akt kriminal të një kryekomisari.

Prençi deklaroi se skafi i tij nuk ishte ndonjë mjet lundrues për turizëm, por i posaçëm për transportimin e lëndëve narkotike nga bandat kriminale nga Adriatiku drejt Italisë.

“Ngjarje që pikëllon çdo kënd. U krye nga një zyrtar shteti, me precedentë penalë, dhe gjyqtarët e korruptuar e kanë mbajtur në detyrë me vendimet e tyre. Nuk është rast fatkeq, por ngjarje kriminale sepse reagimi i tij dhe familjes pas ngjarjes ishte më se kriminal. Na ruaj zot se me cfarë aventurierësh përplasemi në rrugë, lokale e tashmë në det. Një pjesë e policisë është e inkriminuar me bandat kriminale, u shërbejnë grupeve kriminale në tokë e det.

Mjeti me të cilin aksidentoi 7-vjeçaren nuk ishte turizmi, ishte me dy motorë, i operacioneve të shpejta, që e përdorin organizata kriminale për trafikimin e lëndëve narkotike nga bregdeti lindor i Adriatikut dhe Jonit drejt Italisë. Personat që kanë pushtet në polici marrin guximin të mos njohin zona të kufizuara të plazhit apo norma të sjelljes, por edhe pasi kanë mbytur vogëlushen sillen me arrogancë.

Kryekomisar që sillet si bastard, vagabond pasi kreu vrasjen. Nuk ndodh në asnjë vend që pasi vret të sillesh keq edhe me të gjallët”-u shpreh Prençi në një dalje televizive./CNA.al

 





Lajmet e fundit nga