web counter
LEXO PA REKLAMA!

SHKARKO APP

App Store
Google Play

E fundit!

x

Beqir Boja, pajtuesi i gjaqeve në GJKKO: Rraja m'u betua se nuk kishte gisht në vrasjen e Andi Malokut

17 Tetor 2025, 11:25, Kronika CNA

Beqir Boja, pajtuesi i gjaqeve në GJKKO: Rraja m'u betua se nuk kishte

Sot në GJKKO po mbahet seanca ndaj Plaurent Dervishajt dhe Julian Meçes për atentatin ndaj ish-prokurorit Arjan Ndoja.

Beqir Boja ka dëshmuar se Asllan Rraja i ka kërkuar që të negociojë me familjen e Genc Malokut për të birin Redian Rraja.

Sipas Bojës, ata kanë mohuar të kenë të bëjnë me atentatin ku mbeti i vrarë Andi Maloku.

Ai është shprehur se Genci Maloku u kishte thënë se për tre muaj do të shihte se çfarë do të ndodhte dhe se nuk do të merrte hak.  

“Në 2019 kam jetuar në Kamëz, kam qenë kryetari i Këshillit të Komunës Zallherr. Unë jam angazhuar me komisionin e pajtimit të gjaqeve. Asllan Rraja më ka kërkuar që të negocioj me familjen e Genc Malokut. Ai më kërkoi që të negocioj për të birin Redian Rraja. I kam kërkuar familjes Rraja nëse kanë lidhje me këtë ngjarje, ata janë betuar në Kuran që ne nuk kanë asnjëlloj dijenie për vrasjen e Andi Malokut. Kemi pritur Genc Malokun se ai nuk gjendej në shtëpi. I thashë që na ka dërguar familja e Asllan Rrajës. Genc Maloku na tha sipas rregullit shqiptar keni afat tre muaj që të shohim si do të shkojë e gjithë gjëja. Më pas ka pasur edhe një takim të dytë, Genci theksonte se djali i është vrarë i pafajshëm në rrugë. Ne i kërkuam që të presë sa të shohim ç'do të thotë drejtësia, pasi Asllani nuk ka mundur të lidhet me djalin që të marrë informacion. Do të vazhdoj të kërkoj të drejtën tjetër. Ne i kërkuam sërish afat 3 muaj, nuk e pranoi këtë kohë dhe caktuam më pas. Ky ka qenë takimi i fundit, më pas nuk jemi takuar më. Nuk i njoh të pandehurit në sallë. Genci Maloku na dha garanci që për tre muaj nuk do të merrte hak”, ka dëshmuar Beqir Boja./ CNA





Lajmet e fundit nga