web counter
LEXO PA REKLAMA!

SHKARKO APP

App Store
Google Play

Autori i vrasjes së biznesmenit italian/ Policia: U vetëdorëzua, kishte armë gjahu me vjaska

16 Tetor 2025, 13:45, Kronika CNA

Autori i vrasjes së biznesmenit italian/ Policia: U vetëdorëzua,

Zbardhen detaje të reja nga dorëzimi i shtetasit Kamber Sulçe, autor i dyshuar i vrasjes për motive të dobëta, të shtetasit italian Edoardo Sarchi, në Tepelenë.

Përmes një njoftimi zyrtar, Policia e Gjirokastrës bën me dije se shtetasi u paraqit vetë në njësinë policore.

Mësohet se shtetasi dorëzoi edhe armën e gjahut, që ishte me vjaska, me të cilën dyshohet se kreu krimin, si dhe lejen që kishte për posedimin e saj.

Trupi i pajetë i biznesmenti u gjet në vendin e quajtur "Qafa e Dilanit", pas mesnatës së datës 26.09.2025.

Njoftimi i Policisë:

Specialistët për Hetimin e Krimeve të Rënda të DVP Gjirokastër kryen veprimet procedurale për ekzekutimin e masës së sigurisë “Arrest në burg”, caktuar nga Gjykata e Gjirokastrës, në mungesë, për shtetasin K. S., 48 vjeç, banues në fshatin Mesaplik, Vlorë, i akuzuar për veprat penale "Vrasja në rrethana të tjera cilësuese”, në mënyrë të rrezikshme për jetën e shumë personave, "Mbajtja pa leje dhe prodhimi i armëve, armëve shpërthyese dhe i municionit" dhe "Prodhimi dhe shitja e narkotikëve".

Nga hetimet dyshohet se shtetasi K. S. ka qëlluar me armë gjahu me vjaska, në drejtim të shtetasit E. S., shtetasve që shoqëronin këtë të fundit dhe automjeteve të tyre, në aksin “Nivicë-Salari”, ku si pasojë e të shtënave, humbi jetën shtetasi E. S..

Materialet procedurale iu referuan Prokurorisë së Gjirokastrës, për veprime të metejshme./CNA





Lajmet e fundit nga