web counter
LEXO PA REKLAMA!

SHKARKO APP

App Store
Google Play

E fundit!

x

Kapen në flagrancë gjatë gjuetisë së paligjshme/ Procedohen 3 persona në Maliq, bllokohet arma

15 Tetor 2025, 17:18, Kronika CNA

Kapen në flagrancë gjatë gjuetisë së paligjshme/

Kapën në flagrancë dhe procedohen penalisht 3 shtetas në Maliq, pasi kryen gjueti të paligjshme gjatë natës në vendin e quajtur “Burimi i Selcës”. Në vendin ku u kapën këta shtetas, u gjet një kafshë e egër, e vrarë me armë gjahu. 

Tre shtetasit janë D.A., 31 vjeç, L. D., 20 vjeç dhe M. T., 23 vjeç.

Gjatë aksionit, u bllokua 1 armë gjahu, si dhe u hoq leja për mbajtjen e saj, si pasojë e shkeljes së moratoriumit.

Gjithashtu u sekuestrua municion luftarak, një elektrik dhe një automjet.

Njoftimi i Policisë:

Shërbimet e Komisariatit të Policisë Maliq, bazuar në planin e masave të hartuar nga Drejtoria Vendore e Policisë Korçë, për parandalimin dhe goditjen e veprimtarive të paligjshme të gjuetisë dhe të prerjes së pyjeve, kanë kryer kontrolle në zona të ndryshme në qarkun Korçë.

Gjatë kontrolleve, në vendin e quajtur "Burimi i Selcës", Maliq, janë kapur në flagrancë 3 shtetas që po kryenin gjueti të paligjshme në këtë zonë. Në këtë vend u gjet një kafshë e egër, e vrarë me armë gjahu. 

Në përfundim të veprimeve për këtë rast, specialistët për Hetimin e Krimeve të Komisariatit të Policisë Maliq referuam materialet në Prokurori, ku filloi procedimi në gjendje të lirë për shtetasit D. A., 31 vjeç, banues në Maliq, L. D., 20 vjeç dhe M. T., 23 vjeç, banues në fshatin Libonik. 

Materialet proceduriale iu referuan Prokurorisë së Korçës, për veprime të mëtejshme për veprën penale "Keqtrajtimi i kafshëve"./CNA





Lajmet e fundit nga