web counter
LEXO PA REKLAMA!

SHKARKO APP

App Store
Google Play

E fundit!

x

Të akuzuar për korrupsion/ Pezullohen nga detyra 2 inspektorë policie

14 Tetor 2025, 22:23, Kronika CNA

Të akuzuar për korrupsion/ Pezullohen nga detyra 2 inspektorë

Policia e Shtetit në një njoftim ka bërë me dije se ka pezulluar dy efektivë, të cilët dyshohet se janë të përfshirë në veprimtari korruptive.

Policia njofton se ndaj tyre AMP ka nisur menjëherë hetim disiplinor.

Efektivët u pezulluan nga detyra pas transmetimit në emisionin investigativ "Fiks Fare". 

 

Njoftimi i policisë

Reagim i Policisë së Shtetit

Në lidhje me rastin e transmetuar në emisionin investigativ “Fiks Fare”, ku dy punonjës të Policisë Kufitare, në Komisariatin e Policisë Kufitare Rinas, dyshohen se janë përfshirë në veprime korruptive, ju bëjmë me dije se:

Drejtoria e Standardeve Profesionale me urdhër të Drejtorit të Përgjithshëm të Policisë së Shtetit, në zbatim të nenit 163, pika 3 germa a dhe pika 8 e Rregullores së Policisë së Shtetit, ka bërë pezullimin e menjëhershëm nga detyra të punonjësve të Policisë, Inspektor K. K., me detyrë ndihmës specialist kontrollor, dhe Inspektor E. L., me detyrë ndihmës specialist kontrollor, ndaj të cilëve ka nisur hetimi disiplinor për shkelje të rëndë.

Ndërkohë, në vijim të veprimeve të kryera për ketë rast,  Agjencia e Mbikëqyrjes Policore ka nisur menjëherë hetimin penal ndaj punonjësve të Policisë të përfshirë në këtë rast.

Policia e Shtetit falënderon median dhe qytetarët që denoncojnë rastet e abuzimit me detyrën nga punonjësit e saj dhe i fton sërish ata të vijojnë t’i raportojnë çdo rast të tillë, duke i garantuar reagim të menjëhershëm dhe të paanshëm./CNA





Lajmet e fundit nga