web counter
LEXO PA REKLAMA!

SHKARKO APP

App Store
Google Play

I grabitën të riut 5300 euro/ Arrestohen 2 persona në Vorë

13 Tetor 2025, 15:54, Kronika CNA

I grabitën të riut 5300 euro/ Arrestohen 2 persona në Vorë

Dy persona F. S., 26 vjeç, dhe G. Sh., 30 vjeç, kanë rënë në prangat e bluve të kryeqytetit pasi i morën me dhunë një 27-vjeçari 5300 euro dhe 3 celularë në Marikaj.

Nën hetim është edhe një 24-vjeçare, e cila akuzohet për moskallëzim krimi.

Gjatë kontrolleve në banesa, në njërën prej tyre u gjetën: 2 karikatorë arme zjarri automatik model 56, një palë pranga, një mjet prerës (thikë) dhe 3 celularët e vjedhur.

Njoftimi i Policisë:

"I morën me dhunë një 27-vjeçari, në rrugë, një shumë parash dhe 3 celularë, identifikohen, kapen dhe vihen në pranga 2 shtetas.      

Procedohet penalisht një 24-vjeçare, për moskallëzim krimi.  

Gjenden në banesën e njërit prej të arrestuarve dhe sekuestrohen 2 karikatorë arme zjarri, 1 palë pranga, 1 armë e ftohtë dhe 3 celularët e vjedhur.  

Shërbimet e Komisariatit të Policisë Nr. 7, menjëherë pas marrjes së njoftimit se një shtetasi i kishin vjedhur me dhunë, një shumë parash, organizuan punën për zbardhjen e vjedhjes, identifikimin dhe kapjen e autorëve. Si rezultat i veprimeve të kryera në kuadër të operacionit policor të koduar “Road”, u lokalizuan në një banesë të braktisur, u kapën dhe u vunë në pranga 2 autorët e dyshuar të rastit, shtetasit F. S., 26 vjeç, dhe G. Sh., 30 vjeç, banues në Vorë.  

Gjithashtu, për këtë rast u referuan materialet në Prokurori ku nisi procedimi në gjendje të lirë për shtetasen E. P., 24 vjeçe, për veprën penale “Moskallëzimi i krimit”. 

Nga hetimet dyshohet se shtetasit F. S. dhe G. Sh., në rrugën e fshatit Marikaj, në mbrëmje, i kanë marrë me dhunë, një shtetasi, 5300 euro dhe 3 celularë.   

Gjatë kontrollit në banesën e shtetasit F. S., në Vorë, shërbimet e Policisë gjetën dhe sekuestruan në cilësinë e provës materiale: 2 karikatorë arme zjarri automatik model 56, një palë pranga, një mjet prerës (thikë) dhe 3 celularët e vjedhur"./CNA

 

 





Lajmet e fundit nga