web counter
LEXO PA REKLAMA!

SHKARKO APP

App Store
Google Play

E fundit!

x

Dhanë dëshmi të rreme për vrasjet e vitit 1997/ Arrestohet çifti në Lezhë

15 Tetor 2025, 15:05, Kronika CNA

Dhanë dëshmi të rreme për vrasjet e vitit 1997/ Arrestohet

Dy shtetas (bashkëshortë) janë vunë në pranga pasi u konstatua se dhanë dëshmi të rreme gjatë një procesi gjyqësor të zhvilluar dje në Lezhë.

Mësohet se procesi gjyqësor u zhvillua në lidhje me vrasjen e 2 shtetasve në vitin 1997, në Mirditë.

Bashkëshortët V. P., 53 vjeçe, dhe A. P., 57 vjeç, banues në Lezhë, akuzohen për veprën penale “Dëshmia e rreme”. 

Njoftimi i Policisë:

Specialistët e Seksionit për Hetimin e Krimeve të Komisariatit të Policisë Lezhë, si rezultat i veprimeve hetimore të kryera në drejtimin e Prokurorisë së Lezhës, vunë në pranga shtetasit:

V. P., 53 vjeçe, dhe A. P., 57 vjeç, banues në Lezhë, bashkëshortë, për veprën penale “Dëshmia e rreme”.

Arrestimi i këtyre shtetasve u bë pasi dje, gjatë një procesi gjyqësor në Gjykatën e Lezhës, kanë dhënë dëshmi që bien në kontradiktë me dëshmitë e tyre të mëparshme, në lidhje me rrethanat e ngjarjes së ndodhur në vitin 1997, në fshatin Rrasfik, Mirditë, ku shtetasi Gj. L. (vëllai i shtetases V. P.), ka vrarë me armë zjarri, motrën dhe bashkëshortin e saj, gjatë një konflikti për motive të dobëta. Autori i kësaj ngjarjeje po vuan dënimin me burgim të përjetshëm, për veprat penale “Vrasja me paramendim” dhe “Mbajtja pa leje dhe prodhimi i armëve, armëve shpërthyese dhe municionit”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme./CNA

 





Lajmet e fundit nga