E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

U premtonte vajzave punësim, por i shfrytëzonte për prostitucion/ Arrestohet i riu kolumbian në Durrës

16 Tetor 2025, 08:58, Kronika CNA

U premtonte vajzave punësim, por i shfrytëzonte për prostitucion/

Një 28-vjeçar është arrestuar në Durrës në kuadër të operacionit “Storm 9”, për goditjen e veprimtarisë kriminale të trafikimit të vajzave, me qëllim shfrytëzimin për prostitucion.

Në pranga është vënë shtetasi kolumbian me iniciale D.G., i cili dyshohet se rekrutonte shtetase kolumbiane dhe i sillte në Shqipëri, duke u premtuar punësim kundrejt pagesës 3000 euro, por i shfrytëzonte për prostitucion.

Policia ka sekuestruar 3 celularë që ai i përdorte për këtë veprimtari kriminale. Bëhet gjithashtu me dije se dy shtetase kolumbiane u kapën nga shërbimet e Policisë, gjatë operacionit, në një apartament të marrë me qira në lagjen nr. 18 në Durrës, ku ushtronin prostitucion dhe shisnin lëndë narkotike.

Njoftimi i policisë:

Durrës

Vijon operacioni i koduar “Storm 9”, i zhvilluar 4 ditë më parë, për goditjen e veprimtarisë kriminale të trafikimit të femrave, me qëllim shfrytëzimin për prostitucion.

Kapet dhe vihet në pranga 28-vjeçari, shtetas kolumbian, i shpallur në kërkim në kuadër të këtij operacioni. Ky shtetas dyshohet se rekrutonte shtetase kolumbiane dhe i sillte në Shqipëri, duke i premtuar punësim kundrejt pagesës 3000 euro, por i shfrytëzonte për prostitucion.

Sekuestrohen 3 celularë që ai dyshohet se i përdorte për këtë veprimtari kriminale.

Si rezultat i punës intensive të kryer nga strukturat e DVP Durrës, në vijim të operacionit të koduar “Storm 9”, i zhvilluar 4 ditë më parë, pas 3 javësh hetime me metoda proaktive, për goditjen e veprimtarisë kriminale të trafikimit të femrave, me qëllim shfrytëzimin për prostitucion, si dhe i bashkëpunimit me shërbimet e Policisë Kufitare Muriqan, u bë e munduar kapja në PKK Muriqan dhe ndalimi i shtetasit kolumbian të shpallur në kërkim në kuadër të këtij operacioni:

D. G., 28 vjeç, për veprat penale “Trafikimi i personave të rritur” dhe “Shfrytëzimi i prostitucionit”.

Nga hetimet dyshohet se ky shtetas rekrutonte shtetase kolumbiane dhe i sillte në Shqipëri, duke i premtuar punësim kundrejt pagesës 3000 euro, por i shfrytëzonte për prostitucion.

2 shtetase kolumbiane u kapën nga shërbimet e Policisë, gjatë operacionit, në një apartament të marrë me qira, në lagjen nr. 18, Durrës, ku ushtronin prostitucion dhe shitnin lëndë narkotike.

Materialet procedurale i kaluan Pokurorisë pranë Gjykatës së Shkallës se Parë të Juridiksionit të Përgjithshëm Durrës, për veprime të mëtejshme. /CNA